اقتباس:
انا مع فكرة البابا بالاعتذااار لانو الاحتلال كلو خطأ , بس ما تنسى انو المسلمين فتحو حضارة ضخمة في الاندلس , يعني مش متل احتلال امريكا ولا فرنسا ولا الدول الاستعمارية
|
فرنسا لما احتلت سوريا طورت سوريا عن كل السنين اللي قعدها فيها الاحتلال العثماني.
مع هيك نحن منسميها احتلال.
اميركا, بالرغم من كل دمار عم تعملو بالبلاد اللي عم تحتلها. بس هية عم تبنيها. وبالفعل عم تعمل ديمقراطية فيها. ومع هيك منسميها احتلال.
بغض النظر شو عملو الاحتلال, بضل اسو احتلال.
هلق بعرف انو في كتير ما بوافقو يسمو ال 800 سنة تبع الاندلس احتلال.
بس هية بالنسبة لاصحاب الارض احتلال.
متل ما اميركا ما اعتبرت وجودها للعراق احتلال
وسوريا ما اعتبرت قعدتها بلبنان احتلال
واسرائيل ما معتبرة وجودها بالدول العربية احتلال
بس هني احتلال