اقتباس:
كاتب النص الأصلي : mblue
لأ هون بدك تسمحلي !!! الاديان مو هي نظريات وغير مثبتة وبالنسبة للجميع كمان لأ ما بظن انه الجميع هيك بفكر ؟؟!!!
اول شي اغلب الاديان اذا ما كان كلها بتعتمد على اساس مكتوب ( يعني بالنسبة للاسلام القرآن وبالنسبة للمسيحية الانجيل وبالنسبة لليهود التوراة وهكذا ... ) اما اذا بدك تقللي انه انت ما بتآمن فيهن وبوجودهن وانه هنن موضوعين او خلينا نقول معدلين من قبل البشر فكمان انا بقلك على اعتبار كذلك فانه بضل في نص مكتوب وكل او اغلب اللي بيتبعوا هاد الدين او العقيدة وبيعتبروا حالهن بينتموا الها فهنن بياخدوا فيها ( للكتب الدينية هي ) او على الاقل جزء منها فما بتقدر تقللي انها نظريات ...
هلق انا بقلك بالنسبة النا كعرب في عنا شي اسمه علم الانساب وهاد العلم قديم كتير ومهمته (من اسمه طبعا واضح ) انه يربط انساب البشر مع بعضعهم البعض ( فلان ابن فلان ابن علتان ) واللي هو يعتمد عليه في توثيق نقل المعلومات من العصر القديم لهلق وهو اللي بساعد على انه نتأكد انه النصوص اللي نحن منعتمد عليها هي مثبتة ومقبولة ( عم بشكل خاص بالنسبة للاسلام )
وبرجع بقول مرة تانية انه لما تطرح موضوع مو علمي خلينا نقول فكري واللي هو بالاغلب بكون الاختلاف فيه ناتج عن القناعات المختلفة لكل شخص واللي هي ناتجة عن العقيدة اللي بيعتنقها سواء كان عنده عقيدة ام لا ، فرح تكون وجهة نظر كل شخص مرتبطة بالدين اللي هو مقتنع فيه وصعب انه تحاججه دائما بوسائل علمية .
بالنسبة لموضوع الخمر كان مجرد مثال مو اكتر والفكرة بتنطبق على كتير امثلة بس ما حبيت اضرب اي شي تاني مشان ما اخرج عن الموضوع
بس انه طلب صغير يا ريت توضحلي شو معنى الهامش اللي حطيته بالاخير لانه بصراحة ما كتير استوعبت عليه !!!
|
موضوع انو الدين نظرية غير مثبتة... المقصود فيها انو في كتار ما بآمنو بصحتو... بينما نظرية انو العمودان ع مستقيم واحد متوازيين نظرية مثبتة وكل العالم بتآمن فيها بدون اي استثناء...
انتي فيك تثبت لحدا بشكل علمي بيقبلو العقل انو في ملاك اسمو جبريل مثلا؟
هلق انا كمسيحي وانت كمسلم مؤمنين بالدين بشكل او بآخر... بس ما فينا نعتمد عليه باخوية لانو لازم تقنع الاخرين فيه بالاول وبعدين تعتمد عليه ببراهينك و وجهات نظرك.
هامش:
مشان الهامش يلي سألتني عنو... تبع المتدينين (يلي بامنو بحقيقة الدين اصلا)
الدين مو هوي الايمان الاعمى بدون تفكير, و انما لازم تخلي كل شي في حالة دراسة مستمرة و بنوع من عدم الثقة بفهمك الو... وما بعتقد انو في انسان فهمان الدين 100%
يعني اذا بتعتقد ان الدين حرم الخمر (كمثال), فلا تكون متأكد 100% انك فهمان الموضوع صح.
فضل عم تسمع الطرف الاخر...
