بتصحى الصبح مو شايف الضو ولا المي ولا المراية .. ولا حتى شو بدك تلبس عالدوام ..
هلا بس تغسل وجهك بتبلش ترجعلك الرؤية
... وبتبلش تمارس النشاطات الصباحية تبعون قبل الدوام ..
مشينا عالدوام .. طبعا بعد ما تركب مع شي تكسي يا يبتغالظ عليك طول الطريق
.. أو بعيشك بحالة ذهول وقلق لمدة 5 دقايق كاملة لبين ما تكتشف اذا حتضل عايش ولا لأ ..
وصلنا الشغل .. بفوت على المكتب .. بفتح كمبيوتري .. شو يا حزركم أول شي بعملو .. بحب فوت دايما على أخوية صبح بيني وبين حالي عليها
.. وبدل ما اقرا الأخبار بالجريدة أو اسمعها بالتلفزيون او من اي مصدر بهمني شوف اخبار أخوية
.. مع انو احيانا ما بكون في شي ..
بتقوم وانت يا دوب عم تبلش نهارك وهلأ لوصلتك القهوة .. بتشوف كلام بنقط عسل
.. ما رح احكم على أخوية من خلالو .. بس شي بهز بدن أي واحد
.. ما حدا بيقبلها على حالو .. عم حاول ابلعها .. بس مو عارفة اذا حتنبلع معي ..
بس مو الحق على أخوية ولا على الأعضاء .. !!!
تضرب منك الو
.. مو انتو يا حشاشين .. هني تنين تلات ببالي
.. وما رح حط اسماءهم .. بس بما انو هون بفش خلقي
.. فكان لازم فشّو لخلقي..
برجع بقلهم .. تضربو منك الو ... نفسيات معقدة ... !!!
اووووووووووووووووووووف ارتحت
.. هلا بقدر كمل نهاري ..
