[LiOnHeArT.3LA2]

كاتب النص الأصلي : سوا ربينا

علاء ردودك بالعادة بتكون فكاهيه واحيانا لا مبالية هل اسلوبك بالواقع بيختلف عن اسلوبك باخوية؟
بالنسبة لردودي ..
فا انا كتير احيانا بعد ما بكتب ردّ .. بمحيه وما بردّ .. بحسو غلط .. وممكن يعطي شي غلط .. او ينزع الموضوع ..
واحيانا اكتر ..
بحس انو لازم اكتب رد ..
شو ما كان .. " طبعا اكيد ما مشان عدد المشاركات"
بس يعني بحس انو لازم احكي
بحس انو أخوية .. لازم تسمعني وقت بحكي ..
متل وقت بكون سكران ..
وبيكون جمبي أي حدا ..
ببلش احكي لحالي .. ليسمعني ..


بالنسبة للاسلوب .. بين اخوية والواقع
ابدا ... ابدا ..
اسلوبي هوّي نفسو ..
بيعكس الشخصية اللي انفرضت عليي بهالثانية ..
وهالشخصية بتنفرض بحسب العوامل الشخصية .. ان كان تعصيب .. رواء .. اكل هوا .. هيك شي

حدا فهم شي؟ انا ما فهمت
وهالاسلوب كان من زمان ولا من بعد ما عرفت اخوية ؟
لأ ما من زمان ..
بعد ما عرفت اخوية ..
بس اخوية هيي احد الاسباب اللي ساوت عندي هالاسلوب

علاء شو احسن شي صار معك بالاخوية؟

احسن شي صار معي ..
اني سجّلت بأخوية ..
وما تركتا ..

شوفي موقف صار معك بالاخوية ما ممكن تنساه مع مرور الزمن..؟؟

ما موقف .. فينك تقول شي عملتو ..
من زمان نزّلت موضوع ..
ما بزكر شو هوّي بالضبط .. بس انو كان من القصص الخليجية .. تبعيت الدين والايميلات وكزا ..
فا اجو الشباب وفهمّوني شو الوضع .. و بتزكر صافو هوّي اللي فهمني .. للتوضيح بس " صافو كان بوقتا ديّن "
وقالولي انو هي عبارة عن قصص .. وانا فهمت الموضوع .. ومن وقتا انا بكره هي القصص ..
وبتمنى انو ينشال هادا الموضوع ..


وفي كمان شغلة تانية ..
انو اول ما فتت على اخوية .. كنت انقل مواضيع خواطر ..
ومرّة تنّحت .. انو هادا الموضوع الي .. ماني ناقلو ..
اجيت انطجيت مخالفة من مرسيل ..
طبعا انا ماني زعلان من المخالفة .. قد ما مستصغر عقلي وقتا

علاء بحسك معظم الاوقات مش طايق حدا وكرهان كل شي .. حتى بحسك احيانا كرهان حالك وبحسك غريب الى حد ما ؟ شو بتقول بهالشي ؟
طيب ..
ما قصة مش طايق حدا ..
وما قصة كرهان كل شي ..
على فكرة .. انا قد ما كرهت .. مستحيل اكره شخص .. " وهي بعتقدا مشكلة كبيرة عندي "
انو انا ما بعرف اكره ..
بالنسبة لأنو بكره حالي .. اي بكره حالي .. وبكره ظروفي .. وبكره عيشتي ..
بس هادا الشي بيستمر لتلت ثواني .. بعدين برجع اللا مبالي .. ويمكن هادا الشي اللي بتحسو غريب فيي ..
يمكن درجة اللا مبالاة الكبيرة اللي عندي ياها ..
بس انو انا مبسوط هيك ..
لحتى يصير في عندي شي خاف عليه ..
هون بنقلب مليون درجة
يعني من الآخر .. انا ماني شخص واحد .. انا مليون شخص .. بحبن كلياتن وبكرهن كلياتن ..
وقت اعتمد على واحد .. بصير انسان طبيعي
يعني شغلة فايتة بستين حيط ..

انو بعتذر عالدوخان اللي عم رد فيه .. بس انو " وبتعرف طبعا" .. انو اغلب ردودي هيك