اقتباس:
كاتب النص الأصلي : GORGE
ومن شان ما حدا يتفزلك .,.....الشعب السوري 25 مليون نسمة ......و 25 مليون تنح وراس يابس
معقول هدول كلهم ساكتين على ظلم معين مثلا .............ولا بس الواحد بدو يحكي على مبدأ خالف تعرف
ولا شو ............حبيباتي ما حدا عايش أحسن مننا .........انا زرت اميركا .........ونص الشعب السوري كرهان حياتو هنيك.....وعم يبكو دم لأنهم تركو البلد ....
ومن شان الحكم لا حدا يتحلفص .....الدكتور بشار مافي منو .........
وبس بدو حدا يناقش .....يناقش بشي هو بيعرفو مو شي سمعانو وجاي يردده مثل الببغاء .....
واللي بيقول حرية وديمقراطية ...يحمل حالو ويجبلي بلد فيها ديمقراطية .......وحرية .....
لأنو بأميركا مسموح التدخين وبسويسرا ..لاء ....ليش مو حرية
بأميركا مسموح بوجود عصابات وتجار أسلحة ....بأوروبا لاء
بأميركا مسموح تكون عربي وتتبهدل ....بس ببلدك قليل هل الشي ....
|
والله فعلا افحمتنا يعني الصراحة الامثلة الي جبتلنا ياها كتير مقنعة
انا بدي اسالك وقت ماكان صدام حسين على 30 مليون عراقي كان حدا يسترجي يحكي كلمة ؟!!!! مع انو شفت هلق شو عملو بحالون شعب همجي وكلو عميقتل بعضو !!!!؟
وبدي اسالك حبيب البي وقت ما اجو الاخوان بدون يحكو شو صار فيون على ايام حافظ الاسد ؟؟
وهلق ميشيل كيلو والبني والحمصي والاتاسي ؟؟ يا زلمة بس حكو ما عملو شي متل ما عملو الاخوان ؟؟
يا اخي الاخوان غلطو يمكن انا ما بعرف الصراحة ولا حد بيعرف لانو كانو تنظيم مسلح
بس هدول الي ذكرتلك اساميون شو عملو لحتى ينسجنو ويتبهدلو ؟؟!
بس قالو بدنا ديموقراطية وعبرو عن رايون ؟؟؟ بس لانو قال كيلو لازم يصير سوريا اتعامل لبنان كدولة ولازم تصحيح العلاقات بين هل البلدين ينحكم عليه 5 سنيين ؟!!!!!!!!!
ماحدا ما بيحب سوريا لو الواحد فيكون يحب بلدو وما يربطها بشخص بتصير بلدنا بالف خير !
يا اخي نحن مملكة ولا امارة ولا شو بالظبط ؟؟
يعني سوريا بس لعائلة الاسد ؟؟ او بس لفئة صغيرة من الشعب ؟؟
انا من حرقة دمي على سوريا هيك عمبقلك لو ما بحب ما بلدي مابتفرق معي بالعكس كنت بمسح جووووووخ مشان امشي حالي
بس لانو انا بعشق شي اسمو سوريا كوطن ومابربطها بشخص معين هيك عمبحكي
يا اخي انت ليش عايش برى ؟؟ وانا ليش برى ؟؟ وليش 10 ملايين سوري برى ؟؟
كلون حابيين يعيشو برى يعني ؟؟
ولا السرقة والاحتيال والوسايط والمحسوبيات الي خلت كلو واحد بس بدو يطلع مشان يعرف يعيش ؟؟
مابدي اجبلك امثلة بيكفي اتشوف انت البلدان الي حولين سوريا كيف صايرة وكيف نحن لسة لورا !
يا اخي مو هو الشعب كلو بيحب بشار الاسد وبيحب حزب البعث وبيحب الجبهة التقدمية الي كل مجلس الشعب موالي لهل الجبهة ؟؟!؟!!!!!!!!!!!!!!
يا اخي ليش ما يعطي تراخيص لاحزاب جديدة ؟؟ ووقتها مجلس الشعب هنن بيشكلو الحكومة وبيصوتو بعدا على الرئيس او بيصير كل حزب يرشح شخص مشان يتولى الرئاسة والشعب بيصوت ؟!!!!!
يا اخي وقتها اذا نجح بشار الاسد ماحدا بيسترجي يفتح تمو بحرف واحد ؟!
بس اما هيك بهل الوضع ما حيمشي الحال لانو كلو عميضحك على كلو ؟!
يعني هل المسخرة الي عمنشوفا على التلفزيون بسوريا كل يوم بيحطو صور مسيرات وهبل يعني متل ما قالو الشباب كلو بيطلع غصب عنو بالزور لك حتى الشباب الي عنا هون بدون يروحو ينتخبو بالسفارة مو مشان بشار الاسد قال مشان يختمو على جواز السفر انو انتخب ووقتها بيكون وشو ابيض اذا بدو يعمل اي معاملة بيمشولو ياها !!!!!!!!!!!!!!
يا خيو بعدين اذا واحد حكى رايو وكان معارض مع رايك بيصير مو فهمان وبيصير بيردد متل الببغاء ؟!؟؟!
طيب ليش ما يكون مثلا الي بيحكي حكي عكس المعارض بيكون هو مو فهمان وعميردد متل الببغاء ؟؟ لانو هل الشعارات على طول موجودة فبركي هو الي عميردد متل الببغاء ؟!!
يا ريت تتقبل وجهت نظر اي شخص لو كانت معارضة معك ...مشانك مو مشان حدا تاني
تحياتي
انا بتنفس حرية ما تقطع عني الهوا ولا تزيدا كتير علي احسن ما نوقع سوا
|