اقتباس:
كاتب النص الأصلي : قرصان الأدرياتيك
عم فكّر أنّو كيف كل إنسان عندو معيار يحكم فيه عَ البشر وعَ الأخلاق وعَ السموّ وعَ التدنّي!
وعم فكّر كمان وزيد أنّو كل إنسان من هؤلاء مفكّر أنّو معيارو صحّ! وعلى أساس هالمعيار الصحّ عم يقطع ويوصل، يقيس ويوزن، محسّب حالو إله البشر ونازل فين قضاء وحكم!
واحد من هالبشر عندو معيار نازل قبل مئات السّنين وما بدّو ياه يتزحزح، وواحد غيرو معيارو نازل قبل المعيار هداك، وواحد آخر معيارو قبل قبل هاد... إلخ! ولسّاتو الإنسان مفكّر أنّو معيارو هوّ الصحّ!
عم فكّر أنّو كيف السوريّ بيعتبر شغلة حرام وهي الشغلة نفسها بيعتبرها الأميركي واقع إنساني لازم ينعاش...
عم فكّر كيف الإنسان قدر يغلق على عقله بمفتاح ويحصر حالو جوّات قوقعة ربّ ربّك ما بيطالعو منّا... لك إذا نزل الله بذاتو وقلّو أنا الله يمكن رح يتفل عليه ويصلبو!
بشو بدّي فكّر لشو بدّي خلّي... بشريّة هايشة وماشية ما ألها لا هدف ولا طريق ولا ما يحزنون...
فخليني فكّر شو بدّي آكل هلا أحسن من أمّةٍ ضحكتْ من جهلها الأممُ!
|
عم فكر بشغلة وحدة هلا.....(ايها الحب اشرب تكف اختلافاتنا!!!!)
من انا بعد هذا الرحيل الجماعي؟؟