اقتباس:
طيب.. ما انا فكرتي من كل الرد هي بالذات... أول شي بتقول (مافي داعي نذكر صاحب الفكرة.. وهلا بتقول (مانك ضدي ولازم نذكر صاحب الفكرة).. طيب.. حدد موقفك منشان نعرف من وين نحكي
|
اقتباس:
|
انا عم قول أعطوا صاحب الفكرة حقه.. على الأقل بذكر اسمه... بس انت وافقتني بهالنقطة... ولو انك بالرد اللي قبلو قلت مافي داعي.. منذكر منقول وبس.. برجع بقول حدد موقفك..
|
يا رجل !!!.....
يا ريتك تستخدم الاقتباس ..و تقلي انا وين قلت أنو انا ضد و ما لازم نذكر صاحب الفكرة !!!
أنا اللي قلتو :
اقتباس:
وقت بنوه أنو لازم نشير للموضوع أنو منقول ..بكون الهدف التوضيح أنو هالموضوع مانو نتاج شخصي ...و أنما هو لشخص آخر ...و ما بكون الهدف أبدا ( برأيي على الأقل ) الحفاظ على حقوق الكاتب الأصلي ...لأنو ما بتخيل أنو انهدرت حقوقو اذا نقلنا الموضوع ( إلا اذا كان عم يسترزق من ورا هالمقالة يعني  ) .
|
ما بعرف اذا كلامي في غموض ( ما فيني استخدم لغة اسهل من هيك بالحقيقة ) بس انا قلت وقت بنوه أنو
لازم نشير للموضوع أنو منقول ...هاد الحكي معناتو أنو أنا دائماً بنوه أنو
لازم نشير للموضوع أنو منقول ..و أنا شخصياً وقت بنقول موضوع بذكر المصدر و غالباً برفقو بعبارة ( منقول بتقنية كوبي بيست ) و هاد الموضوع يعني لا يستحق الجدال ...أنو شوفي شي بدو نقاش هون ما بعرف .. و ليش انت مصر انك تتهمني بشي أنا ما قلتو ما بعرف !!!
أنا مع أنو نذكر المصدر و الكاتب ...مع إصراري أنو عدم ذكر اسم المؤلف ..أو إضافة عبارة منقول ..ما بتهدر باي شكل من الأشكال حقوق المؤلف ( ماني عم افهم حقو بشو اللي عم ينهدر يعني !!! )
بقى حبيت وضحلك أنو موقفى واضح
و محدد ..بس أنت موقفك ضبابي ..يعني لا قدرت تحددلي شو هي حقوق المؤلف بالضبط ..و شو هي ضوابط هالحقوق .... انت عم تبسط الموضوع و كانو بسيط ...و عم يغيب عنك ما بين السطور بكلمة ( حق ..و ملكية ...) و ما الى هنالك من مصطلحات .
هل الحقوق تورث مثلأً ؟ هل هي قابلة للتداول ؟؟ ( يعني بقدر انا ادفعلك مقطوع و اشتري أعمالك الكاملة مثلاً و تصير الحقوق باسمي ما بأسمك ؟ )
هل هالحقوق بالنهاية مادية ولا معنوية ولا الوجهين ؟
و اذا كانت الوجهين فعن أي وجه عم تدافع ؟؟
بدي منك شغلة وحدة بس ..قبل ما تباشر بكتابة ردك ..يا ريت ترجع تقرا على مهلك...لأنو واضح أنو عم يفوتك معنى الحديث ...و يا ريت كمان تختار أمثلة أفضل ( مشان نتعلم ) ..خاصة وأنو مثال الدكتور كان ما الو علاقة بموضوعنا منوب
J.S: Death is the solution to all problems. No man = No problem.