اقتباس:
كاتب النص الأصلي : elinde
عزيزي الغالي
الف شكر لإلك ع كل الورود وإلك مني أدّون بمرتين وحبة فوؤون
إصة الختان وإصة مكانة المرأه ممكن فهمون بس ضمن السياء التاريخي
وحاليا لازم يكون في أوانين مانعا بتضمون للمرأه المساواة الكاملي بكل مجال
آنون الأحوال الشخصيي والمدنيي وغيرا من الأوانين الناظمي بالمجتمع
ختان المرأه اهاني جسديي واهاني نفسيي
لأنو أصّ البظر والشفرتين يعني حرمان المرأه
من احد اهم الحاجات للنفس البشريي وهي الشهوي والمتعا
بصراحا يعني ما فيني تصّور كيف هالبنت اللي تعرضت لهيك عمليي ممكن تعيش
حياة زوجيي
يعني بتتحول البنت ل لعبي جنسيي من ها الألعاب يللي عم تنباع بمحلات "الانتيم"
الرجل بالحياة عارض
الحياة البيولوجيي بتأكد انو الأم (الأنثى المؤنث) اساس الحياة
المرأه بأوربا وأمريكا حئّئت انجازات هامي كتير
ولسا في كتير لازم تحؤّؤون
كل شي بالعالم لصالح الرجل السلطا والآنون والدين والجنس والسياسي
لهيك لازم نوضع حد ل هالهيمني والديكتاتوريي
ونخلأ مجتمع الانسان
محبتي
إليند
|
هاه يعني هلق بدك تفهميني انو النسوان مهضوم حقون عنا؟؟؟؟
مابتوقع
بس يالله اهم شي انو نحنا متفقين على مبدأ انو الختان ضرر كبير للنسوان
وانا معك بكل يلي حكيتيه غير انو الرجل هو المتحكم
لانو كلنا منعرف انو وراء كل رجل عظيم امرأة
يعني بالنهاية الشغل كلو بايد المرأة وحتى بموضوع الحياة الجنسية الاغلب بيفكر انو المراة مجرد اداة بيتمتع فيها الرجل ايمتى ما بدو
وهاد غلط واعتقاد خاطء
ويلي بيجلط انو النسوان متنازلين على حقون بهي الشغلة وهاد غلط
وبيتحججو انو هاد من الحياء ؟؟؟ وهيك لازم البنت تكون؟؟ وما اتطالب بحقها الطبيعي؟؟
وغير هيك انا موافقك على آرائك
تحياتي