اقتباس:
كاتب النص الأصلي : بيبرس تركمان
ويا شتان ما بين أفكار حزب اردوغان المتحضرة و أفكار الاخوان المتخلفة
فهمت كيف أتاتورك غير فكر أمة بأكملها .
|
ها ها لأ لأ لأ بدك تسمحلي أخ بيبرس إنت حكيت عن أتاتورك كتيييييييير لدرجة الألوهية ، قلنا رايك وإنت حر بس إنك تدخل الإخوان المسلمين بالنص هاد خط أحمر لأني أنا إبن هاد الحركة
بدي أسأل شو إلي مش عاجبك بالإخوان المسلمين؟
إنت لحالك قلت إنها أكثر تنظيم إلو شعبية لأنها أولا أكتر جماعة إسلامية بتاخد الدين من جميع جوانبه بعيدا عن التخلف والرجعية بينما غيرها من التيارات الإسلامية التانية فيهم هيك إشي وإزا إنت قريت عن اتاتورك كتب فأنا قريت أول إشي مجلدات عنهم غير إني بخالطهم وغير إني إبن هاد الحركة الممثلة بحركة حماس في فلسطين
على فكرة أنا إكتشفت شغلة إنو إنت ماخذ صورة عن الدين الإسلامي نفسه نظرة التخلف والتأخر عن الحضارة وهاد نظرة المستشرقين إلي بيحالو يشوهو الدين
بينما الدين الإسلامي هو رمز الحضارة و التطور بس للأسف الأشخاص نفسهم أسائو فهم هاد الدين وأديك مثال يوضح الصورة:
أستاذ الرياضيات لما يجي يقلتا كيف ممكن أجمع رقمين بحيث يصير الناتج 5 طبعا الأستاذ بيحل المسألة وبيقول 1+4=5 والطلاب لما ينسألو هاد السؤال بيجاوبو نفس إجابة هاد الأستاذ إنو 1+4=5 بينما في حلول تانية للمسألة هما بيتجاهلوها أو بيحاولوش يفكرو فيها لأنهم حفظو الحل ما فهموه وهاد هو الدين في عضرنا الحالي
الكل متقد بالطراز القديم للدين مع العلم إنو الدين الإسلامي نظام معجزة قابل لكل زمن وكل مكان وبيتماشى مع كل الظروف بس زي ما قلت للأسف بعض أشخاص بيسيئو فهم الدين بس الإخوان المسلمين مش منهم
شكرا