هلا أول شي الطفل عايش بمجتمع عنيف ... هالكلام لا غبار عليه
ضغوط الحياة على الأهل عم تخليهم يتحولو للعنف ... هلا ما رح قول أنو قبل كانو الأهل أحسن من هيك
لكن صار في عوامل زيادة لعبت دورا بهالأيام لزيادة العنف
مشاهد القتل يلي عم تطلع عالتلفزيون بنشرات الآخبار ... أفلام كرتون المليانة العنف ....الجلوس لساعات علاألعاب الكمبيوترية يلي بتشوش بمافيه الكلفاية
هلا هل يمكن السيطرة على عالعوامل برأيي المتواضع إي
أول شي الأهل لازم يخففو من العنف مع أولادهم سواء كان جسدي أول لفظي ولفت نظري كلام اللامنتمي حول العنف اللفظي ... في شي بأصول التربية بيقول أنك لما رح تنتقد طفلك لازم تنتقد تصرفو وليس ذات الطفل ..مثال أنت اليوم تصرفت بشكل سيئ لما كسرت لعبة أختك .....ما يقولوا أنت ولد سيء
بالمدرسة ورح استفيد من كلام ياسين شوي ... لازم الأهل يعلمو الطفل يشتكي عاللي تعدى عليه والأهل لازم يتابعو هالشي بزياراتهم للمدرسة لأن ماشالله الآنسات عنا كتير كفو 
هلا من ناحية النشاطات للأسف الأهل ما عندون وقت وبدون يخلصو من ولادهم فبيقعدوهم ادام التلفزيون أو عالألعاب الكمبيوترية وأكيد هالشي غلط
الطفل عندو طاقة وبدو يفرغها وحلو أنو يكون بنشاط جسدي رياضي متل التسجيل بنادي أو ياخدوه عالحديقة بالطبيعة ويلعب ويفرغ طاقتو
ناحية مهمة تانية وهي يحاول الأهل يحادثوا ولادهم دايما ويعرفو شو بيفكروا ... الطفل كائن حساس كتير وبيحس بعواطف كبيرة ممكن ما يقدر يعبر عنها بشكل مباشر وهالشي بيخلق ضغط عندو وبياخد ردة فعل عنيفة .. لهالشي يحاول الأهل يساعدة الطفل بالتعبير عن نفسو
يعني ما بعرف ما جربت كون أم  وما بعرف إذا هالأمور صهبة التطبيق على أرض الواقع ولا لا بس يعني لازم الواحد يشتغل على هالشي
 وردة للكل و  خاصة لناي مو لأنها بنت بس سر بيناتنا 
// وأنّ حضورك في دمي مسكُ الختام //
|