[oliver68]

مرحبا شباب، أول شي بدي قول لريمي الله يعطيكي ألف عافية على اهتمامك بالعلوم و التكنولوجيا، و حابب اليوم ضيف موضوع جديد و بتمنى من الكل يتعاون فيه، الموضوع هادا بيشبه "حدث في مثل هذا اليوم" بس الأحداث رح تكون خاصة بالعلم و العلماء فقط، و رح حاول قدر الإمكان و على قد ما بيسمحلي وقتي إني حط أحداث، بس إيد لحالها ما بتصفق، فمشان هيك ساعدوني و حطوا معلومات مشان كل واحد بفوت على أخوية يطلع بفائدة مهمة.
طبعا كلشي رح ينحط هوي منقول من مواقع عالانترنت، و من هلأ حكيت مشان ما ضل حط هالمعلومة كل مرة، و كمان رح بلش بيتاريخ 1/6، يعني 1 حزيران، ما تستغربوا، هادا يوم ميلادي
مرة تانية شباب خلينا نتعاون كلنا سوا، و كل واحد يحاول يدور على معلومات من تاريخ العلم و يحطلنا ياها، حتى لو تكررت المعلومة مو مشكلة؛ لأن بالإعادة إفادة، و شكرا مقدما للمشاركة و الاهتمام.