[قرصان الأدرياتيك]

كاتب النص الأصلي : سوا ربينا

انو جد كترو الحيتان بالاخوية
قرصانو .. كل سنة وانت بالف خير يارب ... وعقبال ال 100 ونص وتلات ترباع وطرطوشة ... وعقبال ما تحقق كل يلي ببالك ويلي بتحلم فيه...
وعقبالي ما صير افهم عليك ببعض الردود
Happy Birthday

الله يخليلنا ياك ويستجيب دعواك ويحقق أحلى أمانيك ويشفي صدر الحبيب فيك!
لا تقلّي ما فهمتا هي كمان ... عم أمزح خال! بس أنا ما فهمت كيف أنو أنت ما عم تفهمني أحياناً . هلقد مطفي أنا؟! عَ كل حال هاي صرت بشر متلكن وأكتب عامّي وطلّقت الفصحى بس لمرّة وحدة كرمال يحقلي رجعا حلالي زلالي، وشكراً عَ معايدتك الحلوة .

كاتب النص الأصلي : i m sam

ينعاد عليك بالخير والفرح
وكمان نكون زوجناك او تزوجت انت المهم تلاقي نصك التاني وتحقق احلامك .
تحياتي الك يا مطول الغيبات

يا هلا فيك يا صديقي سام، وعليك كمان بالحب والسلام.
هلا حقيقةً الزيجة مو عالبال، بس أستقرّ رح حطّا براسي، في عالم هلا رح تتضحك وتقول: العمى شو كذاب! بس الـ يدري يدري والـ ما يدري يقول كف عدس!
ومن ناحية الغياب يا صديقي وكترتو فألو كتير أسباب: سبب السفر وما كنت أقدر أحصل عَ نت، وسبب يتعلق بأخويّة بحد ذاتا!
بكل الأحوال بتشكرك على معايدتك وسؤالك الدائم عنّي، وبدعو لرب السما يحميك أنت وأحبابك .

كاتب النص الأصلي : eng_sam

صراحة انا ضيف جديد هون بالمنتدي وحبت هالمنتدي كتير وحابب صير فعال في
ولو اني ما بعرفك يا قرصان بس
عيد ميلاد سعيد يا اخي ويعناد عليك بالخير والبركة
والسنة الجاي بتكون محقق امانيك يا حوت

يا ميت مرحبا فيك ولو كنت جديد فاعتبر نفسك متل الجميع، وبتمنالك قضاء وقت ممتع ومفيد بين رحاب الأخويّة.
ومن ثمَّ شكراً كتير على معايدتك وبتمنالك حياة مليانة حب وفرح يغمروك ويغمروا اللي حواليك .

كاتب النص الأصلي : أم الجود

هابي بيرذداي قرصان

شكراً يا أم الجود. الرب يحميكِ .

كاتب النص الأصلي : امل ب

happy birthday to you

شكراً على المعايدة، وبترجى أنو تكوني مليانة أمل متل ما أنتِ أمل .

كاتب النص الأصلي : Sarita

يا هلا يا هلا
بالحيتان والله
هابي بيرثذاي قرصان عقبال ما نشوفك ختيار ع العكّيزة حواليك شي عشرطعش وخمسين صبي وبنت <<<احفادك يعني
كل سنة وانتي سالم

يا ميت هلا بساروتة، بس كأني الدعوة تبعيتك هي دعاء عليّ مو ألي؟! ما بدي صير عالعكازة... بس بدي يكون عندي شلة أحفاد الواحد منن أزعر أكتر من التاني، ومن بين هالشلة بدي يكون في حفيدين صبي وبنت يكونوا عاقلين حتى يعدوا البقيّة بس يكبروا... رح علمن الصيد أول شغلة وهيك بيموت قلبن قبل ما يكبر ويشوف هالدنيا العاطلة.
شكراً عالمعايدة الظريفة وبتمنالك من رب الأرباب أنو يحفظك ويفرش دربك بزهور الحب والفرح .

كاتب النص الأصلي : cornholio

قرصان كل عام و انت ب الف مليون مليار تريليار ....... و كالعادة سخليار خير
و عقبال منشوفك شي يوم مع اخوانك بالصومال
كل عام و انت بخير

إي والله عقبال ما عيش كام سنة زيادة مو بشان شي بس لأني ماني مستعجل!
أما تبعوت الصومال فيا أخي هدوك عادونا وفكوا الحلف معنا فإنشالله الله ما يستجيبلك هالمرّة .
وأنت بألف خير وشكراً شوالة .