هلق هاي تبع القبعات.. تقريباً حلها ذكرناه فوق بمسألة النقط الزرقا
هي أهون من النقط الزرقا.. لإنو محدد مين اللي رح يفوز.. بس بدنا نعرف كيف فكـّـر
شو بتقول المسألة..
قال بتقول:
تلات شباب راحوا يشتروا طواقي من محل..
قلهن صاحب المحل:
"والله ما عندي إلا خمس طواقي.. تلاتة حمر.. وتنين زرق
بس رح لعّبكن لعبة.. رح حط على راس كل واحد منكن قبّوعة.. وإنتو عيونكن مغمضة.. وبس تفتحوا عيونكن.. إذا أي واحد منكن حزر لون طاقيتو.. رح أعطيكن التلاتة ببلاش.."
فـ قام صاحب المحل وعصّبلهن عيونهن.. ولبّسهن كلياتهن طواقي حمر
شال العصبة عن عيونهن
فتـّح الأول.. وقال: ما بعرف لون طاقيتي
فتـّح التاني وقال: ما بعرف لون طاقيتي
وبس فتـّح قال التالت: طاقيتي حمرة
فـ السؤال:
كيف فكـّر التالت وحزر لون طاقيتو؟
طبعاً صار السؤال هون سهل بعد حل المسألة الماضية
ربما كان عدم الاتفاق أقصر مسافة بين فكرين. (جبران النبي)
|