ابل ما بلش هالموضوع اصطهجولي شوي مع هالقصيدة
اقتباس:
ركب الكركي اليوم جاري بو جميل --------------- وصف القناني محلها وضب الورق
وصفّو الأوادم يشربو عيار التقيل --------------- وصارت الكركــي مـا تلحقلون عرق
عينك تجي وتشوف عمّك بو الياس --------------- مبطوح تحت المشمشي متل القتيل
وتصرخ مرت جرجس الحلو يا هو يا ناس --------------- حتى سمعها وشـــال بالحملـي خليل
وبو اسعد لّي ضل يشرب تانطفا --------------- وماشي يلوح عَ اليمين وعَ الشمال
تلاقا بعفيفي صاح كيفك يـا "عفـا " --------------- هزت وقالتلو يا ضيعـان الرجـــــال
دق بــــو خالد الباب ومـا صحي --------------- عَ منير لكـــان عنـد المشحــــرا
تصرخ مرت بو الورد ؟ ويقلا فتحي --------------- اللـــه يعلم شـو نرعبت هـَ المرا
يا شارب الخمر ومـــا بتقول حـــاج --------------- وعم تستغل بشربها ساقي كريم
الخمرة وحي مش للسكر والاعوجاج --------------- وتدق بنص الليل عَ بواب الحريم
|
العرق ... وما أدراك ما العرق او بالانكليزي Ouzo
اروع مشروب تم اختراعو على سطح هالمجرة هي
طبعا العرق معروفة طريقة شربو : عرق + مي + تلج ( بالترتيب )
لانو هاد ازا حطينا التلج ابل المي بيصير عنا طبقة مدري كيف بس بتقلب طعمة الكاس كلو
(
علل ذلك )
كمان ما بصير نشرب بنفس الكاس اكتر من مرة او مرتين عالكتير لنفس السبب تبع التلج ابل المي
طبعا ما بيطيب العرق الا وجنبو هال
مازة وبالنسبة للمازة هاد يا سيدي حسب المعجم : هي كلمة مشتقة من الفارسية وبتعني ( ذوق ) دوئ بالعامية ( متل شم ولا تدوئ )
ومن انواع المازة : متبل .. مسبحة ... تبولة ... فتوش ... وفي اكلة شركسية من جهتي بحبها كتير معها ما بتزكر اسمها منيح بس هية شنكليش وحد وملح وليمون وبصل مفروم ناعم وبندورة وزيت
نصيحة كحولية :: لا توقف بسرعة وانت عمتشرب عرق ..... ما بضمنلك النتايج شو تكون
بالنسبة لتاريخ صناعة العرق فــ هاد يا سيدي بيقولو الباحثين انو تاريخو بيرجع لايام جابر ابن حيان لما اخترع اداة التقطير
يتبـــــــــــع