[chefadi]

كاتب النص الأصلي : نيرفانا

المعتقل السياسي هو بطل أول موضوع أطرحه في المنتدى:
_بعد ما بينشحط الواحد فيهن هديك الشحطة وبيتبهدل حتى وهو عم يتحمل بالسيارة وبيتعرض لأسلوب حقير أثناء التحقيق ( هاد إزا تحقق معو فوراً يعني ما انكبسلو كم يوم ناطر يفهم شو القصة ) .

_هلئ بعد ما مشي الحال وثبتت الرؤيا وطلع أخونا صاحب نشاط سياسي واتجاه معين بتنفتحلو أبواب المعتقل على مصرعيها كما إنو مدة الاستضافة مفتوحة وغير محددة وازا تحددت بتكون من (7)سنوات وما فوق.

_ما رح نوصف الوضع الداخلي لأنو ما إلنا علاقة.

_الغاية من موضوعيي هي شو مصير هالمعتقل في مرحلة ما بعد الاعتقال؟؟؟؟؟؟؟؟؟؟

شباب وصبايا كتير بعد ما طلعو من السجون تهمّشو وصارو صفر على الشمال!!!! مع العلم إنو الأغلبية حاصلين على شهادات جامعية وعلى درجة عالية من الوعي......

_في حال حاول يتوظف بيرجع الطلب تبعو مع ( إكس ) وبالأحمر كمان....يعني شهادتو كأنو ما حصل عليها

_والبعض بينمنع من السفر.........

_هاد عداك عن إنو الصبايا يللي بيتعرضو للإعتقال بينبذو اجتماعياً وبيسقطو من

عين الناس وكأنهن تم اعتقالهن بتهمة دعارة........

_ما رح ننسى حالة الرعب يللي بكملو هدول الأشخاص حياتهن معها.....

هل الدولة تغض نظر عن واجبها تجاه هؤلاء وكأنهم ليسو أو لم يعودو من رعاياها؟؟؟؟؟ وهل المجتمع لديه القدرة على التسامح مع المجرم والإرهابي....ولا يمتلك القدرة على النظر لهؤلاء على أنهم أصحاب مبدأ ولا يجب لومهم.

(طبعاً يُستثنى هنا بعض الشرائح من المجتمع)

بإختصار هل المعتقل السياسي على هامش الحياة؟؟؟؟؟

مرحبا نيرفانا و الحقيقة موضوع مهم ,,,,
بدي احكي شي من واقعنا و واقع الاعتقال السياسي بسوريا على اعتيار اني بعرف كتير ناس من هاد الجووو
1 - مرحلة قبل الاعتقال و اللي هيي بيكون هاد المعتقل متخفي و قد يمتد هذا التخفي لمدة طويلة (في ناس ضلوا بهي المرحلة اكتر من خمس سنين) و طبعا اللي ميز هب المرحلة هيي التخبطات الكبيرة اللي كان عم يعيشها النظام بهداك الوقت (فترة اواخر السبعينات و حتى نهاية التمانينات) ووصلت القصة لكم كبير من التهديد متل التهديد باختطاف عوائل المعتقلين كرهائن و طبعا كان في معتقلين قياديين باحزابون و حركاتون كان مطلوب رؤوسهم (يعني بدون ياه حيّا او ميتا ) ,,,
2 - مرحلة الاعتقال و التعذيب و السجون السيئة الذكر اللي مابدي احكي عنها لأنو كل العالم صارت بتعرف شو هيي و شو الممارسات اللي كانت فيّا (طبعا للأخ اللي حكا عن سجن صيدنايا اي مزبوط صيدنايا اهون بكتير من غيرها بس ماحدا من هدون العالم اللي قعدوا بصيدنايا ما قضى كم سنة بتدمر او بالمزة العسكري و غيرو .... )
3- مرحلة بعد الاعتقال و اللي هو لبّ الموضوع : أكيد العتقلين السياسيين مانون مواطنين درجة اولى و طبعا يلي قريان المرافعات و الاحكام تبعون بيشوف انو باحكامون حكم ينص على التجريد من الحقوق المدنية و هذا يعني انو ماعندو كل حقوق المواطن (فيما بعد سقط هذا الحكم عن البعض و بقي على البعض الاخر) و كنتيجة لهاد الشي المجتمع المكبوت و الخائف و الزحفطوني عم يخاف و يرفض يتعامل معون بشكل صحي و عادي و هنن بالحقيقة (و هاد رأيي ) صفوة المثقفين السوريين و خصوصا اللي ضلوا بسوريا بعد اعتقال مرير و طويل ,,, و إذا منلاحظ انو الغالبية منون اصبحوا من العاملين بالمجال الثقافي (الخاص طبعا لأنو الدولة نبذتون ) من كتاب و ادباء و شعراء ,,,,,,
حيّاكون ,,,,
و تحية لنيرفانا ,,,