أكل هوا
فلان: هلأ انتي بحياتك اكلت هوا
علتان (بعصبية) : شو هالسؤال هادا؟ بزعل منك ها
فلان: لا لا لا تزعل ولا تاخد على خاطرك دخيلك انتي بس جاوبني
علتان: طبعا لاء
فلان: مو مزبوط هالحكي لانو اللي متل حكاياتك اكيد بحياتو اكل هوا
علتان (بعصبية): لاء هالمرة رح ازعل منك ها
فلان (ببرود): لك اي لا رح تزعل ولا شي فهمني اول وجاوبني بعدين
علتان: شرف
فلان: ما بتحلم انو يكون في عندك هيكي اموال كتيرة وما تحتاج حدا ؟
علتان: اي طبعا
فلان: ها ها وما بتحلم انو يكون في عندك فيلا كبيرة وخدم وحشم وتقعد فيها؟
علتان: اي طبعا بحلم
فلان: يا عيني عليك وما بتحلم كمان انو يكون عندك افخر نوع للسيارات هيك تطلع فيها وتتبروظ ؟
علتان: اكيد
فلان: ممتاز طيب وما بتحلم انو تكون هيك رجل محترم ومقدر بين العالم ؟
علتان: اكيد
فلان: طيب وما فكرت انو هادا الحلم ممكن يتحقق او لاء ؟
علتان (بحزن) : هو بتصور انو صعب صعب
فلان: وطالما بتتصور انو صعب ليش لحتى تحلم
علتان (بتلبك ) : لانو ...................................
فلان : انا رح قلك ليش لانك عم تاكل هوا............ (يتابع بعصبية ) شراب شاي شراب بلا جنان وقلة عقل
انا بحبك وانتي بتحبيني وفخار يطبش بعضو
بحموشك انا بحموشك
|