عرض مشاركة واحدة
قديم 10/08/2009   #5
شب و شيخ الشباب mblue
عضو
-- أخ لهلوب --
 
الصورة الرمزية لـ mblue
mblue is offline
 
نورنا ب:
Mar 2006
المطرح:
بلد المحاشي والكبب
مشاركات:
174

افتراضي


بصراحة الموضوع يختلف عن فكرة الوصول الى سرعة الصوت او حتى الوصول الى سرعة الضوء .
نحن بحالة السفر عبر الزمن ( واللي انا ما بقتنع فيها لا علميا ولا غير علميا) في عدة متغيرات لازم ناخدها بالحسبان واللي انت ذكرت بعض منها واللي سميتها (الظواهر المتناقضة ) وبما انه كل عمل في الماضي رح يكون اله تأثير على الحاضر خلينا نقول (مو المستقبل) ، وخلينا نفترض بس شخصين مو اكتر رجعوا بالزمن ليحققوا هدف مشترك وكل واحد اذا وصل لهدفه يؤدي لازالة الآخر متل مثال قتل الجد اللي انت ذكرته ، وخلينا نفرض جدلا انه واحد منهن وصل للشي اللي بده ياه ... طيب بقية الناس اللي هنن معه عيلته واولاده واحفاده وين بروحوا هدول بينتسخوا مثلا ولا كانه مو موجودين ؟؟ وكل الناس اللي احتكوا فيهن يعني شو التأثير اللي ممكن يصير عليهن ؟؟؟!!
بظن الموضوع صعب شوي كتير ومو ظابطة القصة !
هلق اذا عم تتساءل علميا كمان مو منطقية كتير القصة حتى بالنسبة الى انه الوصول لسرعات كبيرة جدا بخلي الزمن يتراجع للوراء ، وعلى اعتبار مثال الطائرة والساعة اللي فيها انه المفترض انه نلاقي فرق بأجزاء الثواني بين الساعتين.. ونحن لحد الآن اسرع شي وصلنا اله هو 8 أضعاف سرعة الصوت ( او هيك متل قرأت باحد المقالات) فمعناها لحتى نقدر نرجع دقيقة فقط بالزمن نحتاج على الأقل 60 ضعف من سرعة الضوء لنرجع ثانية واحدة (طبعا عم نحكي نظريا وباعتبار انه السرعة رح تكون من دون تأثير على الشخص اللي بيخضع الها واللي هو مستحيل حاليا)، فكيف رح نرجع بالزمن 20 سنة او حتى سنة وحدة او حتى يوم او حتى ساعة ؟؟!!
شو هي السرعة اللي لازم نحققها ؟ وكلهالشي باعتبار انه عودتنا بالزمن رح تكون لحظية يعني بتكبس الزر من هون بتصير ورا بشي 20 سنة من هنيك !!! طيب لو كان الموضوع بيستغرق وقت يعني لحتى ترجع على بالزمن 20 سنة بدك شي 3 ساعات هي وين بتقضيها !!! واذا في شخصين واحد رجع قبل التاني وكل واحد عمل تغيير على شيء واحد تغيير مين اللي بيبقى موجود وبين بيلغي التاني ؟؟
تساؤلات كبيرة ومنطقية برأيي ما فيمجال لطرحها هون بهالسرعة بس بعتقد انه الموضوع هاد بالذات ما رح يكون اكتر من مجرد خيال علمي وحلم مستحيل التحقق بيحلم في الوصول اله العلماء ...
هاد برايي بس بالنسبة للرجوع بالزمن اما الذهاب للمستقبل هاد شي تاني واله مناقشة غير بس حاليا بكتفي بهالقدر .
ومشكور على الجهد المبذول في الاعداد

The Saddest Thing in Life Is a Lost Talented Man
----
كلما رحبت بنا الروض قلنا ... حلب قصدنا وأنت السبيل
----
بالمسدس ... تحل كل المشاكل...
  رد مع اقتباس
 
Page generated in 0.05468 seconds with 11 queries