اقتباس:
كاتب النص الأصلي : نيرفانا
بالعكس تايغر بالغرب بيعنيلن شي كبير إنجاب طفل و بيولو الموضوع اهتمام كتير بس الفرء انو بصير عندن تفكك أسري بمجرد إنو الولد يكبر ويوعى لحقو بإستقلاليتو عن أهلو.
|
عزيزتي نيرفانا ......
ما بعرف ربما ياللي عم نحكي عنه بيختلف من بلد لآخر
لكن حسب خبرتي بأوروبا ......
اتفق تماما مع (مايا )......
بشكل عام ما عندهم التنظيم الإجتماعي الموجود لدينا ......
يعني ما في أهمية كبيرة للعائلة متل ما هي هون بالشرق ......
بيهمون اكتر عيشتهم الخاصة و إنو يكونوا مبسوطين بحياتهم الخاصة .....
و الأولاد بالدرجة الثانية .....
و متل ما قالت ( مايا ) في كتير متزوجين بعرفهم و ما بدهم أولاد ....
لأنو العناية بهالأولاد كتير صعبة بالغرب ....
فـ بيعتبروها متعة زائدة لا لزوم لها ......
فهم بيفضلوا يضلوا عايشين مبسوطين و بدون مسؤوليات .....
الشغلة التانية بالغرب ياللي ما بتخلي المرأة تحس بالعمر ......
هي كترة الإرتباط و الفك من هذا الإرتباط ......
يعني قديش ما صار عمرك بتقدري تلاقي نصفك الآخر .....
و بتلاقي كتير من النوادي و المطاعم و البارات مخصصة لأعمار معينة ممكن توصل للـ 50 و 60 ......
دائما في ( الماتش ) اللي ممكن تلاقيه و في كل عمر .....
بس عنا ( يا حسرة عليكم يالبنات ) الزواج الأول بتقدري بتعتبريه ( على الأغلب ) هو العلاقة الأخيرة ......
طبعا أنا ماني عم شجع على الطلاق لكن أكيد مرات كتير بيفشل الزواج لأسباب كتيرة المرأة ما بتكون واحد منها , لكن المرأة فقط هي ياللي بتتحمل الوزر الكبير ( تخلّف ) بهال فشل , أما الرجل ممكن يتزوج كمان مرة و اتنين و ثلاثة .......
آسف أمرأة من ورق إذا طلعنا من الموضوع لكن حسيت بضرورة لردي .....
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم .....
في البدء كان الكلمة .....
مملكتي ليست من هذا العالم .....
|