اقتباس:
كاتب النص الأصلي : Elephant And Castle
ما بعرف ليش الشباب المعترضين على الخبر ...محملين القصة اكتر ما بتستاهل ...
كيد موقع جلالتو ما رح يتأثر بهيك خبر ...هي بكتب التاريخ بدرسونا انو الفراعنة كانت من اعظم الحضارات يلي مرت عالبشرية !! مع العلم انو كان الون آلهاتون الخاصة ...ليش ما بتعترضو على الشي هاد ....او مثلا ..متل ما قال جو ..ملك بابل عمر برج بابل ليقدر يوصل ل الله و يضربو سهم ..ليش مندرس انو برج بابل من اعظم الأنجازات العمرانية و وحدة من عجائب الدنيا السبعة ...طيب ليش ما بتعترضو على الغاء تدريس متل هيك اشياء بالمدارس .... انا قلت انو لازم يتحاكم المشتركين بالجريمة معو و كان واضح قصدي هدون يلي بأسمو عم يعملو العمايل من رجال دين او رجال سياسة بيتسترو بالدين ... و ذكرت قصة ارم ذات العماد يلي الله ابادها بخمس ليالي من باب انو الأديان بتشجع على زيادة الكراهية للأخر ...او خلينا حطها بالشكل هاد مشان ما حدا ينزعج ...الفهم الخطأ للأديان بيشجع على كراهية الآخر ...بس النتيجة وحدة ...بسبب دين "احدهم" ..في عالم عم تموت و تنظلم .. على فكرة ذكرت الآية يلي بتتعلق بآرم ذات العماد لأنو بالتاريخ كلو ما انذكرت غير بالقرآن ... بس الكتب السماوية التانية كمان بتحوي على نصوص شبيهة عن دول و حضارات كبيرة الله فناها بيوم و ليلة بس لأنو ما كانو يآمنو فيه .....
لهيك ما بشوف ابدا العصبية هي مبررة ....اكيد الفكرة يلي انا فهمتها من الموضوع هاد ...ما هي انو الله عم يظلم البشر ...لأنو برأيي انا انو ما في هيك قوة طبيعية خارقة ...بس الفكرة ..انو بسبب تصرفات هدون يلي ماسكين الدين و قايميين الشد هي سبب ظلم البشر
|
يا عيني عليك... هاي هي، المشكلة بحُماة الدين واللي منصبين حالن وكلاء الله عالأرض، وبيكفي أنن هني عم يقولو هالشي لحتى ينسمحلن يهدرو دم أي واحد بيناقش الوجود الإلهي لأنو هالنقاش ممكن يلغي وكالتن الحصرية. 
إبحث أنت عن المعرفة فالمعرفة لا تبحث عن أحد
Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not
Ghandi
|