[وردة شامية]

انا بقول الكلام اللي ما بيجي منه نتيجة ليش ينقال من اصله
قاعدين سب وشتم وما عندكم غير هيدا الشي تعملوه
لو بتحب وطنك بصح بهيك وقت ما بيكون موقفك هيك
وياريت كنت علي صوتك واشتم قبل هيدي الفترة كنا وقتها قلنا انك فعلا غيران على مصلحة الوطن
اما هلا رح نقول انك بتصطاد بالمي العكرة
في متل بيقول انا واخي على ابن عمي وانا وابن عمي على الغريب
يعني في اولويات بكل شي
وهيدا الوقت وطنا ورئيسنا وارضنا بجادة النا حتى بالكلمة الطيبة بنساعد على رفع المعنويات مو نجي بهيك وقت ونكسر مقاديف بعض
بنحل مشاكلنا الخارجية وبعدين بنلتفت لمشاكلنا الداخلية
ووقتها خلينا نشوف مراجلكم
وانزلو على الساحات واتظاهرو واهتفو وموتو لاجل حرية وطن
مو غلط انك تنسجن او تموت فدا مبدأ انت عم تحارب منشانه
عيب تحارب طواحين الهواء
وعيب تحكي كلام لمجرد الكلام
هلاء البلد بحاجتنا وطنا بخطر واحنا قاعدين نشتم ونسب على النت
خلو هيدي الازمة تجمعنا توحد قوبنا تكشف محبتنا لوطنا
وبعد ما تخلص هيدي العاصفة
بنحاول نحل امورنا الداخلية بايدنا لا بيد غيرنا
حقك ما بتاخده الا بيدك والا ما بيبقاله طعم
ربي يهديكم ويهيدنا جميع

ملاااااااااحظة
اللي عنده اعتقاد ديني ما ياريت يحتفظ فيه لنفسه
مو ضروري يكفر بربنا حتى يثبت انه مختلف
منه لربه بس يحترم مشاعرنا حانا كمان حتى نقدر نحترمه بينا