[oliver68]

كاتب النص الأصلي : الحاج متولي

فينك أخ فاوست تقلي نحتا إذا كنا عم ننتهك حقوق الديمقراطية .....
فين بالعالم موجود ديمقراطية ...........................أتحداك إذا بتلاقي بلد في العالم ديمقراطي
و إذا لاقيت دلني عليه
نحنة بنتم أحسن من غيرنا بكتييييييييييير ......بس المشكلة إن الحقد عامي قلوبنا ووقت الواحد مابيقدر يحكي على حالوا بيروح بينزل بسيحل جاروا
حاجتنا بقى لسه راكدين ورا شغلة فاضية
هاتوا إحكولنا شي قصة مفيدة عن علم أو عن نهفة...............تحياتي

ما بدي احكي عن فاوست، بس الحكي موجه للجميع، يعني أول شي أنا معك إنو مافي ديمقراطية 100% بالعالم، بس عالأقل مطبقة 90% بالغرب، يعني بأميركا مسموح للمواطن أو مجموعة من المواطنين يحملوا صور بوش و يسبوا عليه كمان، و بظن شفتوا المظاهرات مشان حرب العراق، و كمان و هو الأهم، إنو الرئيس بمعظم دول العالم الراقي و الديمقراطي ما بحقلو غير ولايتين دستوريتين فقط لا غير، و مدة كل وحدة بالغالب أربع سنين، و إزا كان النظام ملكي، الملك ما إلو دور سياسي أو سلطوي متل رئيس الوزراء، و على علمكن رئيس الوزراء بينتخب انتخاب و بصير متل الرئيس، و هوي يللي بحدد سياسات البلد و اتجاهات الدولية.
أما عنا، و هي عفكرة ظاهرة جديدة، الرئيس بكون شعارو "إلى الأبد" و ما بينشال إلا باستفتاء لامجال لكلمة "لا" فيه، و إزا حدا من الشعب حكى عالرئيس كلمة هيك ولا هيك، و مو ضروري سب، بجوز ما عاجبتو السياسة، إنتو أدرى مين بكون عميستنى هيك مواطنين، يعني تخيل شي كام شب بشارع الدبلان بحمص أو بالشعلان بالشام، حاملين شعارات و لافتات ضد الرئس و مطالبين بتنحيتو أو على الأقل بتغيير سياسة من سياساتو، بشرفك هيك منظر ممكن نلاقية بعهد بشار الأسد؟؟؟؟؟؟؟
لساتك مصر إنو وضع البلد بكون أحسن من غيرنا، و بكتير كمان؟؟؟؟؟؟؟؟؟

و حابب قللك شغلة إنو الديمقراطية بأسوء حالاتها عنا، و مو بس عنا، بالوطن العربي بشكل عام، مادام في رئيس باقي للأبد و بدون منافس و بدون حرية نقض، معناتها مافي ديمقراطية.
و يعني اسمحلي، إزا بتعتبر حرية المواطن و مستقبل الأجيال شغلة فاضية، معناتا نحنا منستاهل أكتر بكتير من يللي عمبصير فينا.
و يا صديقي بدك قصص مفيدة عن علم روح عقسم العلوم و التكنولوجيا، و بدك شي نهفة روح عالصالون، هون المنبر الحر و السياسة، يعني مستحيل تلائي خبر علمي أو شي نهفة.
أخي حج متولي، لاتزعل من النقاش، انا ما قصدي زعلك بأي طريقة، بس مجرد نقاش و اختلاف وجهات نظر