اقتباس:
كاتب النص الأصلي : asakli
ايه فحصت الموضوع على فكرة كتيير حلو وفيو شرح كتير
هلق بالنسبة لسؤالي انا سالتك عن حجر خاص بالقنطور بيعطي قوة خاصة اذا ما كنت غلطاني اسمو حجر اكسيون the Ixion stone
هاد الحجر في الو اسطورة مع فارس يوناني اذا فيك تجبلي معلومات عن الفارس و الحجر نفسو وشكرا سلففف
 |
اكسيون(
Ἰξίων ، Ixion ) ما قريت عنه انه كان حجر
كان اول مجرمي الأساطير وكانت جرائمه متعدده تزوج من بنت عمه وبدل دفعه للمهر قام بقتل عمه ، والحكام والكهنة كانوا جدا مستائين من Ixion فرفضوا اداء طقوس المغفرة لتطهيره من الجريمة ، فعاش كالمجرم الاول في الاساطير كمذنب بجريمة قتل من دون ما تتم طقوس المغفرة .
لكن زيوس Zeus نقاه من جريمته شفقة عليه لكن Ixion بعد ما رفّعه Zeus بكل وقاحة اراد اغواء زوجه Zeus واللي بتدعى هيرا (Hera) فقام زويوس بخداع Ixion وخلق غيمة على شكل Hera تعرف الغيمة المذكورة باسم Nephele بعد ما اقام علاقة معها انجبت المسخ المدعو ( السنتور ) وبالتالي كان السنتور ولد ممسوخ نتيجة عقاب للوالد Ixion .
صور Ixion مع Nephele ( النسخة من هيرا ) موجودة باللوفر بفرنسا راسمها Pierre Paul Rubens سنة 1615
وقام بعدها زيوس بالطلب من هيرمس بانزال العقاب على Ixion والعقاب كان بمجموعة ابدية من الاعمال الشاقة بالاضافة إلى ربطه على عجلة محترقة محترقة إلى الأبد .
صورة بريشة Henry Fuseli لـ اكسيون وهيرا
اما عن كون اكسيون حجر ما شفت شي ما هاد النوع واذا في عندك شي معلومة بهاد الخصوص بكون كتير ممنون اذا شاركتينا فيها او انك تذكري لي اسم الفارس وانا مستعد بحبش لك وشوف اذا في اله علاقة مع اكيسون