اقتباس:
كاتب النص الأصلي : The Stranger
اعطيك مثال ..... هولندا على سبيل المثال كانت عبارة عن ملجأ لكل المجرمين واصحاب النفوذ الكبيره والمافيات والعصابات والمخدرات ... يعني لو اطلعت لخريطة هولندا بالسابق راح تلاقي انو هي عبارة عن خلية وطرق للمافيات مشان يتحكمو بالبلد ..
شو عمل القانون الهولندي وعلى العلم انو غير مستمد من دين .... قرر يعالج هالموضوع بطريقتو الخاصه وذلك من خلال السماح لوجود المخدرات بالبلد وبيعها بشكل قانوني في محلات متخصصه بكميات محدده للمحتاجين للمخدرات .... وبالمقابل فتح مستشفيات للعلاج والتخلص من اثر المخدرات والادمان والامراض اللي كانت بتعاني منها الناس .... حتى الدعاره صرحو فيها بشكل علني وقررو اعطاء هويات لكل اللي شغالين بهالمجال وفتح دور خاصه برعاية الحكومه للعاهرات وبهويات تحفظ حقوقهم من الدناسه ....
النتائج :
1) المافيات بدأت تتلاشى من البلد بشكل رهيب جدا لأنو كل شي صار بتنظيم قانوني وحكومي وبطل الن دور .
2) زادت نسبة الناس اللي عم تطلب العلاج وبده تتخلص من اثار الادمان والامراض .
3) العاهرات بعد ما كانت الشغله عندن هوايه او بالغصب لأنو كانت ممسوكه من الايد اللي بتجعها ومافيها ترفض هالشي اغلبيتن تركو او استمرو ولكن تحت علاج مستمر وتصريح حكومي .
فما دور الدين اخي الكريم ( لما العقل البشري اتصرف تحت المنطق وين بيكون مكان الدين ) .
احكيلك شو عم يصير عنا بالدول العربيه :
1) لأنو الدين حاكم نسبة المافيات وبياعين المخدرات عم تكثر كل سنه وعم تزيد رغبة الناس بتجريب هالشغلات لانو بتعرف كل ممنوع مرغوب على عكس هولندا اللي قدرت تتصرف بعقلانيه وتسمح بهالشي لتحد من انتشارو .
2) المدمنين واصحاب الامراض الخبيثه بتخاف تروح تتعالج او مجرد فكرة انو الحكومه تعرف بأمرن صارت كابوس بالنسبه الن وكل حياتن جحيم وبطلو يخافو الله اكثر من خوفن من القانون المستمد من الدين وبطشه .
3 ) نسبة الدعاره عم تزيد كل يوم بس بشكل غير ظاهر ودور الدعاره ماشي سوقها ومجرد تفكير البنت انه اتوب من هالشي ما راح تقدر ليش لأنو طبيعة العربي دائما بيدور على الفضيحه والبنت او الشب اللي بيصيبو مرض بيضطر ينتحر او يهج لأنو المستشفيات عنا بدل ما تكون ملجا صارت سجن .
|
طبعا مارح اطّرق لموضوع المخدرات لأنو بدو مراجع و بدك تقرا عنو .. بس انا فيني اجزملك بانو المخدرات مش كلها مسموحة .. كنت هلأ عم اقرا مقال عن كيف الحكومه الهولندية عملت او رح تعمل على ايقاف ادوية الهلوسة او حضرها او التشدد في تداولها .. يعني ما بظن في دولة سامحة ببيع الكوكا و إلا الهروين و حتى المورفين او حتى الامفيتامينات باعتبارها سهلة التحصيل بهالايام.. العباره بانو يا عزيزي هي هولنده كانت السبّاقة بانتاج عقار من القنّب الهندي يللي هوي الحشيش او الماريوانا .. لاستخدامات طبيّة اما عن بيع الماريوانا فما بعرف بس بعرف بانو هون و بكل مكان محاربة بشده بس لساتها الناس بدها و أغلبهن شباب
منرجع أخي انت شو قصدك من بطش الدين .. كمان انت لما بتستخدم كلمة الدين, هل تعني فيها شرع الله؟
أنا سبق و طلبت منك الحوار بنقطه و هي
ما بدنا نتعمّق بالدين .. خلينا بصلب موضوعنا .. الله, مكارم الاخلاق .. الخوف من الله و محبّة الله .
أنا كان كلامي واضح .. قلت بان الانسان في عندو رغبات و نزعات ما بدنا نسميها شيطانية, خلينا نقول عنها عدوانية و نزعات تمللك و أحياناً تطرف فكري و سلوك يقود للجريمة أحيانا .. كلنا في عندو هيك نزعات .. طيب
كيف تم السيطرة عليها .. ممكن نرجع لبداية الخليقة .. لما ما كان في لا محاكم و لا قوانين رادعه .. يعني البقاء للأقوى .. من هون فينا ندخل بالتدرج الزمني و منشوف كيف ظهرت فكره التعايش السلمي و احقاق الحق و التحللي بمكارم الأخلاق .
يعني واضحه .. الاستفسار من أين نشأت مكارم الأخلاق .. من قام بتصديرها للبشر و فرضها عليهم لتصبح عرف و مَنهج لهم .. مع اعتبار وجود و استمرار نزعات الشر في البشر.