[أم الجود]

كاتب النص الأصلي : inodessa

ولك في جزء تاني من الموضوع يتعلق بالفتيات!!!!!


اقتباس:
كاتب النص الأصلي : ملك الموسيقى

وفيما يتعلق بالفتيات هل يطبقن القواعد الصارمة نفسها التي يطبقها الرجال عليهن ، فهل يبحثن عن الرجل الذي ما زال يحتفظ بعذريته (إن وجد) ام هن انفسهن ينظرن اليه على انه قليل الفحولة ويفضلن المجرب الخبير .

فهمنا اينوديسا .. فهمنا فهمنا فهمناااااااااااااااااا !!
رح جاوبك بس لأخلص من نقّك

أول شي بعتقد ما في شب بيحتفظ ب(عذريته) قبل الزواج .. كلو بيجرّب ولو عالقليلة مرّة وحدة ليكتشف الجنس و ما يطلع *حوبة* (و هي ع فكرة مو تسميتي هي التسمية اللي ممكن يطلقوها عليه رفقاتو الشباب) قدام مرتو بعد العرس... بس على فرض طلع من حظي هالشب الطفرة ، فأنا بقول انو ما عندي مانع ارتبط فيه و ما بيأثر هالشي على نظرتي الو في حال هالامتناع هاد كان بملئ إرادتو و عن مبدأ و قناعة شخصية منو ، و مو من ورا خوف أو مرض نفسي مثلاً .. و تعقيباً على مسألة الشب الخبير .. أغلب الشباب الخبيرين بتكون تجاربهن و خبراتهن مع الداعرات و المومسات (هي إذا اعتبرنا انو البنات العاديات بدهن يحافظوا على *شرفهن = عذريتهن* و ما يكون الهن تجارب قبل الزواج) فأنا هون بصراحة هي الخبرة كلها على بعضها ما بتلزمني ولا بشتريها بنكلة ..
لأنه ممارسة هالنوع من العلاقات بيكرّس عند الشب الأنانية و انو هو الطرف الأهم بالعلاقة و المرأة شغلتها تسعده و بس بينما هو مو بطالب تجاها بشي (باخد متعتي و بمشي) .. و غالباً هالنوع من الرجال بيرجع بعد الزواج لهالعلاقات لأنها بتقدملو متعة من نوع آخر ما بيقدر يحصل عليها مع زوجته ...

مشي الحال هيك ؟!!