اقتباس:
كاتب النص الأصلي : sona78
خبر وارقام رهيبة ... ما رح يامل الواحد غير انها ما تضل عم تزداد ....
حرب العراق كانت نتائجها كارثة حقيقية ع شعوب عم تعاني من استبداد جكامها انو خلتون يقولو .. خلينا على ما نحن عليه افضل بالف مرة من يلي صار بالعراق ... وين ما درت براسك رح تلاقي كوارث
|
ما هي هون المشكلة انو خلينا على ما نحن عليه!!
نحني ما عم نضل على ما نحن عليه وانما عم نرجع لورا , نحني صاير فينا متل اللي قاعد ببيت و البيت من جوا عم ينهار و هو مفكر حالو هيك احسن من بلا شي , بالاخير بيجي اي واحد من برا بضربة صغيرة بيهد البيت على راسو وهدا اللي صار بالعراق.
السبب المباشر لمأساة العراق بيبدأ من ايام اول انقلاب عسكري من 1958 , لما العسكر حطوا رجلن بالسياسة وخربوا البلد , واللي صار بعد الاحتلال الامريكي كان متوقع لانو المجتمع كان اصلا من جوا خربان ومنهار.
هلق عنا الوضع مشابه لهيك شي , الفرق بينا وبين عراق صدام هو انو الشباب عنا واقعيين بيعرفوا البير وغطا وبيعرفوا منيح ما اقترفت يداهم , مشان هيك بتلاقينا منتحاشى اي مواجهة عسكرية حتى مع الصومال.
الخلاصة اذا ضلينا على ما نحن عليه صدقيني مصيرنا اسود من مصير العراق.