اقتباس:
|
لعمى شلون هيك يا زلمة افشتني وكشفت مخططي الشرير ,
|
اذا عقلك خلاك تحلل القصة على اني (( كشفتك )) فهاد حكي تاني
انا بكل بساطة قلت لك ما بدي اعلق على الخبر لأني متوقع انت بحد ذاتك الخبر مش قريانه او قريانه بس مش مهتم فيه بقد مانك مهتم بالفكرة اللي انا حكيت عنها ... على الأقل انا هيك حسيت وما قلت لك مصطلح (( كشفتك )) فيا ريت تخفف شوي استنتاجاتك العظيمة باعتبار كتاب غينيس افّلوه لسنة 2008 فطول بالك للسنة الجاية ...
اقتباس:
|
اول الشي يا حبيب , مابسمحلك تجي تحكم على نيتي من نشر الموضوع , تاني شي في عضوة كتبت رد وقالت انو لو صار هالشي عند الطرف الاخر كانو ردوا بنفس الشي وانا قلتلها انو صح وهالشي موجود عند الجميع وبس هيك
|
كون (( نيتك )) احدى المقدسات وممنوع الحديث عنها ... هاد حديث تاني ما جاي على بالي ضيّع وقتي بالدخول فيه
بس بالمقابل انا جيت بكل بساطة قلت لك يا عيني مزوبط حكيك موجود عند الجميع بس الفرق الفرق الأول عادات اجتماعية التاني قيمة دينية ولازم شوي نفرق بيناتهم كوننا شباب واعيين يعني بالنسبة للشخص القصير النظر بشوفهم نفس الشي بس بالحقيقة هنن كل واحد شكل وكل واحد اله حل شكل وطريقة للتعامل معه شكل عن التاني ... وبس هيك
اقتباس:
تالت شي مو انت اللي بدك تقعد تحكم على دين من الواضح من ارائك بهالمنتدى حقدك الشديد علي ,
قضية تغيير الدين بالاسلام مختلف عليها وبشدة ومو كل المسلمين بيقولوا بقتل من يغير دينو وعلى كل مو هي القضية هون
|
طالما ما سمحت لي افرض (( نيتك )) باعتبارها مقدسات فكيف بتسمح لحالك تحدد وجهة نظري بمجموعة كاملة من البشر او من الدين وعلى الأغلب متل ماني متوقع مانك شايف بالقصة هي أبعد من انفك ... تماما ابعد من انفك
لكن الفرق بيني وبينك اني فاتح لك الباب على مصراعيه قيّم حبيب وعطي رأيك ما عندي اي مشكلة ... مش بس معك ... مع كافة العالم اللي بتمثلهم ما عندي اي مشكلة (( ما بدي اقول مش فارقة معي واتقل اكتر بالحكي خلينا على تعبير " ما عندي مشكلة " وافهمها لحالك ))
اقتباس:
|
القضية عدم تقبل الانسان الشرقي لحرية الراي , وعدم تقبل المجتمع بشكل عام لقضية تغيير الدين
|
برجع بقول لك طلّع شوي ابعد من انفك وحاول شوي تفرق بين القصتين لأن اعتبار (( كله عن العرب صابون )) كتير غلط خصوصا بهيك قصة
تعودنا بالأخوية نكتب الرد اكتر من مرة حتى العالم تفهم شو منقصد ... انت بحاجة لهيك اسلوب اما بتحاول تعذب حالك شوي وترجع تقرا الرد ؟!
اقتباس:
كاتب النص الأصلي : ayhamm26
وفضلت على راسنا يا غااااالي بمشاركتك العظيمة
|
يا (( غااااالي )) بعتقد كبرنا شوي على عمليات (( تمسيح الجوخ )) فبطل لنا شوي هال حركات يا (( حبييييييب قلبي )) واحكي شوي حكي اله طعمة (( ما بعرف اذا بدك تعمل لي مشكلة على اني عبقيم حكيه انه اله طعمة او لا بس بالأخير بالنسبة الي على الأقل هيك جمل وهيك ردود عار انها تنسب إلى موقع متل اخويتنا ))