[صياد الطيور]

إرضى بالنّصيب

إرضى بالنّصيب ترتاح بالحبيب
ليه بتخبّي حبّك هوّ الحب عيب
أنا قدرك ونصيبك ونصيبك حيصيبك
ما تميّل يا حبيبي وما تزعّلش حبيبك

كل شيء مكتوب تبقى يوم مغلوب تبقى يوم غالب
قلبي مهما يتوب العيون بتدوب وقلبي بيك دايب
يجرى إيه يعني لو تطاوعني وتكون المحبوب
أنا قدرك ونصيبك ونصيبك حيصيبك
ما تميّل يا حبيبي وما تزعّلش حبيبك

شوف يا روحي شوف قلبي ليك ملهوف وإنت فيه ساكن
يبقى ليه الخوف حبّي ليك موصوف وفعينيك ساكن
يبقى ليه تخبّي ده إنت روح قلبي مهما عيني تشوف
أنا قدرك ونصيبك ونصيبك حيصيبك
ما تميّل يا حبيبي وما تزعّلش حبيبك
*************************************************
ليل العاشقين

يا ليل العاشقين أهل الغرام مساكين
عاتبين على الأيّام والدّمع مالي العين
حيفيد بإيه النّدم ما القلب ياما انظلم
وسنين بتفوت علينا وعالجراح صابرين
آه آه آه يا ليل العاشقين

في جراح الشّوق يدوبوا
مش راضيين يتوبوا
عن ويلهم في الغرام
إحتاروا يا عيني حيره
والقلب ما جابش سيره
عن ويلهم في الغرام
حيفيد بإيه النّدم ما القلب ياما انظلم
وسنين بتفوت علينا وعالجراح صابرين
آه آه آه يا ليل العاشقين

مكتوب يا ليل علينا
نسهر والخوف مالينا
هوّ إحنا عملنا إيه
علشان بنصون هوانا
يحلالو يا ليل بكانا
ويعذّبنا بإيديه
حيفيد بإيه النّدم ما القلب ياما انظلم
وسنين بتفوت علينا وعالجراح صابرين
آه آه آه يا ليل العاشقين
**************************************