[hanny dagher]

كاتب النص الأصلي : butterfly

شخصيات .. عم تلفت نظري بأخوية .. ورح أتركلكن تحديدا .. لألكن ...

1. أنا أعترض إذا ً أنا موجود...

ميزاتو .
دايما ً عم يبكي على ماضي أخوية .. " ويا ليت الزمن الجميل يعود يوما ً "
ساكن ببريد المنتدى .. عندو شكاوي شو ما عملت الأدارة ... ويا ويلك إذا طنشتو ... " ظهر الحق شفتو ما عم يردو عليي "
اعتصامات واضرابات .. واقتراحات للتغيير .. عندو اقتراحات كتير ..
بس إذا بديت تشتغل بتحسو أكتر واحد متمسك بالشي القديم وما بدو شي يتغير

كيف بتتعامل معو
أول شي إذا كان معك عالماسنجر .. طقو بلوك بسرعة .. لأنو رح يهلكك أسئلة عن المنتدى ..وتذمرات
تاني شي طنشو وضميرك مرتاح .. لأنك شو ما ساويت ما بترضيه ...
وكون متأكد أنو اعتراضاتو مانا موجهة ضدك شخصيا ً .. " لأ الزلمي ما لو شي عليك شخصي " بس هوي هيك .. بيعترض ليبين قدام الناس أنو موجود.

معروف

كاتب النص الأصلي : butterfly

2. الفاجر المضيع :

ميزاتو :
يا محلاه هوي وصاحي .. ويا ما أبشعو هوي وسكران ..
المسبات يمين يسار .. عالعام وبالرسائل الخاصة ..
عندو طاقة سلبية كافية تزعج الكل ... وحتى اللي ما خصو ..
كمان ما بتعرف شو بدو .. واقفلك عالدأرة .. ماسك الأحكام والأعراف وعم ينطرك تخالف ليقلك شفت .. مانك متمسك فين
أسلوبو بالتعبير فاجر وفاسق وأحيانا ً كمان قليل أدب ..

كيف تتعامل معو
تجنبو .. بنوب .. لبين .. ما يزوووووووق ...

كمان معروف

كاتب النص الأصلي : butterfly

3. تركوني بدي بطل :
ميزاتو
كل ما دق الكوز بالجرة .. ما في شي منيح .. المستوى متراجع .. الادارة ما منيحة .. اخوية ما عادت تعنيني
بدي روح .. بدي بطل .. ما عاد بدي اكتب ..
باي باي اخواتي .. باي باي حبيباتي .. رح اشتقلكن اوووووووووووووبس ما منلاقيه ألا مآنسنا ومنورنا ...

كيف تتعامل معو :
إذا بيهمك أمرو .. وبدك ياه يضل .. كل مرة أكدلو أنو هوي كتير مهم .. وبقائو كتير مهم .. وأقنعو أنو هوي الأساس والأمل .. لهالشعب الأخوي المسكين
إذا ما بيهمك .. يفضل تقلو ... " الله معك " .. ويبقى لا تعيدا

كمان معروف

كاتب النص الأصلي : butterfly

منكمل

نطنوطة :

ميزاتا ..
صورة رمزية .. لبنت حلوة كتير كتير كتير .. أو لشي ولد صغير ..
عم تنقط دلع وحنية ..
وبين كل سمايلي وسمايلي في سمايليين تلاتة مستحيين
مشاركاتا .. كلا .. بالمواضيع من نوع
قدي قياس خصرك ؟ شو بتحبي نوع المايك أب .؟
بتحبي الشب ابو غرة ولا اللي عامل سبايكي ؟
عندا شلة من رفقاتا
سوسو وفي في وري ري وبي بي ...

التعامل معا :
إذا .. كنت شب .. الطريق سالك كام سمايلي من هون على كام سمايلي من هونيك
على موضوعين تلاتة حبيبتك تركتك .. بتفوت نطنوطة بتواسيك والله يوفق لنصفق

أما إذا كنتي بنت .. فمالك مصلحة ... ....

كمان معروف

كاتب النص الأصلي : butterfly

المتموطن :

ميزاتو
هادا بيكون عندو إدمان على الحكي بأسم الوطن .. واللعب عالمشاعر الوطنية ..
بتقلو احكيلي عن الحب ..
بيقلك : " ما في أحلى من حب الوطن .. وتحية للوطن والمواطنين "
احكيلي عن الطبخ
" والله الطبخة اللي عم تتحضر بالمنطقة مو لمصلحة الوطن بنوب "
شو رأيك بهيفا :
" مدري ليش هيفا .. فيها شي بيذكرني بجبال الوطن "

التعامل معو :
هادا اتركوووووووو .. بعد فترة بيتألف مع الوطنية وما عاد بيتباهى فيها .. وبيقتنع لحالو انو حب الوطن ما بحاجة لكل هالبهورة ..

كمان معروف

كاتب النص الأصلي : butterfly

المتبجح :
ميزاتو

ردود طويلة .. وكلمات معقدة " سفسطائية " + " تكنوقراطية " + " شيزوفوبيا "
غالبا ً بتبدا ردو وانت هيك
بتوصل لنص الرد
تلت ارباع الرد وبتقرر أنك تعمل شي تاني .. وتأجل كمية من الرد لبكرا ..

ما بيكتب بكل الأقسام .. " سينيه " ..

التعامل معو
دايما امداح فيه " سواء قريت الرد أو لا "
وأهم شي انك تهز راسك .. " " وتعمل فهمان .. وألا رح تضطرو يفسرلك كمان مرة ..

اما هاد عصي عليي يا اخواتي يعني عصرت مخي عصرتو عصرتو ما طلع معي شي
قصدي انو طلع معي واحد بيحكي كتير وبس يسرح منقول الله يستر سرح فلان ونص حكيو بيكون كتير احيان مو مفهوم بس المشكلة انو كلمة المتبجح كتير هيك عم تلغي هالشخصية من بالي

فاللي بيعرف عن مين عم تحكي مرسيل يبعتلي عالخاص