اقتباس:
مسا الخير احمد ...انا حابه اسألك كم سؤال ...
على حسب ماعرفت انك فنان ...سؤالي ...انت بتحس انك اخدت حقك ببلدك كفنان انه انعطت الفرصه الك لتكبر مواهبك اكتر؟؟؟؟ وشو ممكن يتقدم الك وللشباب لتكبرو المواهب الموجوده؟؟؟؟
|
هلئ انو بشتغل بالفن .. برسم وبشتغل بالتصميم يعني فيكي تقولي الي علاقة بالفن .
لكن لهلئ ما بعترف بحالي كـ فنان .. كونو فني هاد متمركز عـ موهبة مش اكتر بالاضافة لدراسة اكاديمية ...
لكن بالنظر لـ الفنانين بسوريا.. بعترفلك انو كلية الفنون كإدارة وكـ مؤسسة حكومية بتضل افضل من غيرها بكتير
يعني صحيح امكانياتها ضعيفة كتير ... لكن الدكاتره بكلية الفنون عميقدمو للطالب كتير وبظن الطلاب عمياخدو حقهن بالفترة الدراسية
بينما ازا منجي للحقل العملي ... للحياة العملية .. بفترة ما بعد الدراسة .. ما عمياخدو ولا 1 بالمية من حقوقهن
بالنسبة لنقطة شو ممكن يتقدم للشباب لتكبر هالمواهب ..
مثلاً :
المواد المستخدمة بالفن ... 100 بالمية منها مدفوعة .. يعني الطالب عميتكفل بكل شي .. وهاد الشي عميحبطو كتير ..
بظن الدولة لازم تتكفل بـ ولو 50 بالمية من تكاليف المواد المستخدمة .. لأنها غالية جداً .. بالنسبة لدخل الطالب ولدخل الفرد بالمجتمع السوري
بالاضافة للاحتكاك الخارجي للطالب هاد الشي ما عميحصل .. وعميصير عندو نوع من الركود بتطوير امكانياتو .. يعني بكل فترة الدراسة بكلية الفنون مافي غير معسكر واحد 20 يوم وداخل سوريا.. بظن لو كل سنة بيتخصص فترة شهر مثلاً للاحتكاك بطلاب اجانب لتبادل الامكانيات منلاقي وضع الفن غير هيك بسوريا
وحتى بمجال العمل ضمن فترة الدراسة ... بظن لو الحكومة بتقدر تساويلها شي مؤسسة فنية تتبنى هالطلاب خلال فترة الدراسة .. تفيد وتستفيد
اقتباس:
|
هل تعتبر الحكومه السوريه طائفيه ولا لأ ؟؟؟؟؟
|
ممكن في افراد كتير طبعا الصغار بالحكومة السورية مو طائفيين .. لكن التعيينات ضمن الحكومة ... طائفية لأبعد الحدود ...
اي في طائفية .. وبشكل متفشي .. مو بس بالحكومة
حتى بالمجتمع
والافراد
لك البرغل صار فيه طائفية
شو بعنولك هؤلاء.....
فنان ملتزم ... عندو قضية وبيدافع عنها .. تميز بالاصرار رغم كل الانتقادات الي توجهتلو باول طلعتو .. لكن استمر للاخير ... ومنلاحظ هلئ وين صار .. !
فنانة بتمثل قلب كل شخص بالمجتمع بـ رأيي ...
فنان وسياسي رائع... بيمثل هموم الشباب .. وهموم المجتمع المتفشية بشكل ضخم .
اقتباس:
|
مي نصر ...اذا بتعرفها ...
|
فنانة اثبتت جدارتها بفترة قياسية .. وبتستحق تحية كبيرة
اقتباس:
|
كيف بتشوف التطور بسوريا ...وكيف بتشوف طريقه الشباب بالتعاطي مع التطوارت الي عم تصير ؟؟
|
التطور شبه منعدم .. وللأسف التطور بسوريا .. قلب لتراجع لورا بشكل كبير .
اقتباس:
|
شو رايك بالجيل الجديد السوري بالتحديد ؟؟؟؟؟
|
شباب فئة منهم .. معمي على قلبهم .. ومو عرفانين الطريق اللي ماشين فيه لوين رح يوصلهن
والفئة التانية .. شباب طموح .. لكن مافي عندو امكانيات.. وبالتالي عميصير عندو احباط
يعني بشكل عام الشباب السوري حالياً .... واقع بنار الاحباط ..
طبعاً مو بشكل كلي .. في شباب قدر يلاقي فرصتو بهالحياة .. بس نسبة ضئيلة
اقتباس:
ويسعدو لمساك 
|
ومساكي
