اقتباس:
كاتب النص الأصلي : the sea
أعظم كلمة هي : الله.
|
أهلا وسهلا فيك وبمشاركاتك... نوّرت بيتك ومطرحك، برحّب فيك عن نفسي طبعاً  .
بالنسبة لكلمة "الله" فما بظنّ أنها أعظم كلمة، لأن أكتر من نصّ البشريّة ما بتعنيلن شي، وقسم كبير ممّا تبقّى سمعانين فيها وبيعرفوها بس مو سائلين عنها لا من قريب ولا من بعيد!
وبحسب رأيي الخاصّ ومن تجربتي، أعظم كلمة هي "الإنسان" لأن بتجمع جميع البشر دون استثناء، أو ممكن تكون "الحياة" لأنها بتجمع البشر وبقيّة الأحياء، أو ممكن "الوجود" لأنها أشمل وأعظم كلمة عرفها "الكون"!
بالنسبة للعاطفة فما بظنّ أنّو تحمل كتير من معاني العفّة، لأن (وبدون ما أتعدّى على اختصاص علم النفس) العاطفة بدون عقل أو إرادة ما ألها حدود، والعفّة يا صديقي محدودة ضمن معايير مختلفة لثقافات معيّنة.
قبل شوي قلت: "أقرب كلمة هي الواقع"، فبدّك تحدّد "الواقع" ولا "الآن"؟  . بظنّ أنّو في اختلاف كبير بين "الكلمتين"!
أقبح كلمة هيّ "الرذيلة" لمّا تتعلّق بالإنسانيّة، متل الظلم والجوع والفقر والقهر والاغتصاب... إلخ! بينما "الخطأ" فيك تعتبرها كلمة لا بُدَّ منها بعالم البشر، وإلا صرنا "ملايكة"!
اقتباس:
أجمل كلمة هي : التوبة.
أحلى كلمة هي : السلام.
|
حابب أعرف الفرق بين "الجمال" و"الحلا"!
.
Mors ultima ratio
.
www.tuesillevir.blogspot.com
|