[محمد ابراهيم]

كاتب النص الأصلي : امرأة من ورق

كمان مرة في عدة نقاط بدي شير الها
اول شي يمكن انت حسيت من حكي اسير التشرد شوي من التناقض بس انا ماحسيت هيك اسير ضد الموت الرحيم بالمطلق بس مع ذلك كان عم يحاول ياخد موقف محايد من الموضوع ويحكي عنو من كل الجهات يعني ايجابيات وسلبيات واكيد هاد شي كتير احترمتو فيه وماشفت فيه اي تناقض خصوصا انو ذكر انو هوي ضدو

انا وضحت الكلام المتناقض والغامض
هاد عن حكي اسير اما حكيك انتي شديد التناقض
شوفي يا ستي
انا لما اكون محايد بين امرين (مثلا مع القتل الرحيم ,ضد القتل الرحيم)
يبقى لا رح اختار هذا او ذاك ولا رح اقف مع هذا او ذاك
لكن اني اقول اني محايد وفي نفس الوقت اقول انا مع الراي الفلاني مثلا مع القتل الرحيم
اكيد بكون بستحق كلمه مو لطيفه مارح اقولها مشان مشاعري ,,ولماذا استحقها ؟؟؟
لاني بتلاعب بعقولكم وبستخف فيها ,,يعني كيف اكون في كفه وادعي اني محايد

الحمد لله اسير ما قال انو محايد وأعفاني من الحرج في اني احكي عراحتي

ومابعرف ليش استغربت كلمة انسانية الحياة الانسانية في كتار ناس عايشين حياة غير انسانية

قبل ما ندخل في حكي مالو علاقه بموضوعنا
ماذا اضافت كلمة انسانية الى الى الحياه الانسانيه من ناحية المعنى؟؟
المعنى رح يوصل بل بالعكس كلمة انسانية مضافه للحياه الانسانيه افقدت الجمله معناها ولولا ذكاء القارئ ما كان فهمها
طيب ببساطه
في حياه انسانيه وفي حياه غير انسانيه (هاد اللي بدك توضحيه وتقوليه)
ما اختلفنا انا وياكي وبقول امين
امين امين
بس مامعنى ؟؟؟؟؟؟؟؟؟؟؟؟؟
انسانية الحياه الانسانيه او انسانية الحياه الغير انسانيه

اكيد مو لغه عربيه بس بدي اوصل الها وثقافتي المحدوده مانعه وصولي
عندما تضيف كلمة انسانية الحياه الانسانيه مالغرض ؟؟؟ في موضوع شائك مثل هذا الموضوع ؟؟؟
بتعرفي لغويا
ما اضافت شيء لان كيف بدنا نضيف ماء عالماء مو بس هيك
في اللغه العربيه ما يزيد على المعنى يعتبر ****

صدقيني ما بعتقد كان تعليقك وتعليقي مستاهل هالمجهود في الرد على هالكلمه تحديدا
لولا اني ما بردّ حد جاي يتناقش كنت اهملتها وما ردّيت (بس قلقت من ان اللي ما يعرفني يفتكر اني متجاهلها )

واكيد سامع مثلا بالرق الابيض كمثل مهم عنها...... يعني مو كل انسان عاش وتنفس عم يكون عايش حياة انسانية

خلاص وضحت الك الموضوع مافي داعي لهالنمط من التعليقات خلينا نرجع لصلب الموضوع مشان
نثري الحوار

وفي كتير منون محرومين من كتير حقوق انسانية والمرض بحد ذاتو لما بيوصل لمراحل خطيرة ممكن يوصل لحرمان الانسان من هي الحقوق الانسانية او بعضها عالاقل..... كيف؟؟ يعني تخيل حالك او بلا حالك في ناس بتتوسوس من انو تتخيل حالها بهيك مواقف..... رح انا اتخيل حالي مريضة واذا احتجت اشرب مي بدي حدا يشربني واذا بدي اكل بدي حدا يطعميني وطبعا بكون عارفة انو هيك لاخر يوم بحياتي اتكالية على باقي الناس بكلشي ومافي امكانية اني رد شي من الجميل....... انا عن حالي بالفعل رح حس اني فقدت كرامتي وانسانيتي ورح حس كمان انو حريتي الوحيدة اللي بقيتلي هيي اني حط حد لكل هاد والحل هوي الموت الرحيم

مفهوم فقد الكرامه والحريه فكره مغلوطه عندك
مفهوم الحريه والكرامه غير هيك نهائي
الحريه يمكن ان نعبر عنها بالاراده مقرونه بالالتزام
والكرامه لا يفقدها الانسان عند مرضه مهما كان المرض اكرر للمره الاف الكرامه مصانه عند المرض
ولعلك تقصدين كرامه غير التي نعرفها
فما هي الكرامه التي تقصدينها ؟؟

وتعليق اخير عالاشياء اللي لونتها بالاحمر...... ليش يامحمد عم تحاول تفترض انو الاشياء اللي انت بتفكر فيها هيي افكار كل الناس؟؟ يعني ليش من المؤكد انو الانسان اللي قرر يستمر بالحياة مع المرض انسان شجاع وليش اعتبرت انو كل الناس رح تكون مقتنعة بهي الفكرة؟؟

طيب واذا كنتي انتي اول واحده في اعماقك عارفه ان الانسان اللي بيواجه هو الانسان الشجاع
وبديهي ان المريض لما يختار الامل ويعيش مع الالم والمرض
بديهي انو اختار المواجهه وانو يتحمل الالم وبالتالي شجاع
اذا كنت انا فاهم غلط ما عندي مانع الناس تصحح الي غلطي (بالعكس هاد بيشرفني ان الناس تصحح غلطي ) مشان اتجنب غلطي وما اغلطو تاني وبهالطريقه بكون كل مره بتعلم شيء جديد
وانمي واكبر ثقافتي ومعلوماتي

انا من الناس اللي بيشوفو انو الانسان اللي عندو القوة والجرأة انو ياخد قرار بايقاف هالشي هوي الشجاع لانو قرار انهاء الحياة هوي اكتر قرار بالدنيا بيتطلب شجاعة

من ايمتى الشجاعه في الهروب؟؟ وعدم المواجهه ؟؟؟
عالعموم انا ماسك نفسي بصعوبه
عالعموم كاني ما شفت الرد

اي ونسيت فكرة كمان انو الاسترشاد بالقوانين الدولية كرمال فكرة انو ممنوع نحط نهاية لحياة اي انسان...... طيب وين راح حكم الاعدام اللي لسه بيتطبق باغلب الدول؟؟ هاد مو انهاء لحياة انسان؟؟

وتحياتي

انا حبيت أكد على ان حقوق الانسان ضد هالشيء (وهاد موضوعنا)
ومش موضوعنا فتح مناقشات اخرى هنا
ولكني على استعداد لمناقشتك خارج هالموضوع