اقتباس:
كاتب النص الأصلي : Nay
ليش معصب مجنون.. طول بالك علينا يا زلمة..
ا أنا شخصيا ما بلاقي انو تسمية "مشكلة عنوسة " دقيقة وكلمة عنوسة كلها ما بتعجبني.. في شي اسمو تأخر سن الزواج .. وهاد الشي موجود وملحوظ بكل دول العالم.. ولأسباب منتوعة مو أهمها الاسباب المادية على الاطلاق..
كلمة عنوسة ممكن نطلقها على اشخاص مستقتلين يتجوزو وما عم يقدرو وهي حالات مو كتيرة بسوريا على الأقل..
|
بدك تعذريني شوي وتفهميني شويات
أنا معك بأنو كلمة عنوسة ماحلوة
بس معناها ومصطلحها باللغة العربية كما ذكر سابقا
منشلبنا ومنقول تأخر سن الزواج
أهم اسباب تأخرالزواج سابقا ولاحقا هية الحالة المادية وبالدرجة الأولى
بعدين تأتي بالمرحلة الثانية بها العصر هاد وهالزمن هاد
هو توفر أهم احتياجات الجنسين من ذكر وانثى وهية اشباع الغرائز الجنسية بالدرجة الاولى
ويأتي بعدها توفر جميع اساليب الحرية الشخصية للفتاة
حيث انها لاتشعر بحاجتها للخروج من الحياة التي تعيشها لتوفر جميع ما تتمناه
طبعا الحكي يلي انذكر حكي عام وفي حالات كثير مغايرة
رح احكي عن نفسي كــ حالة اجتماعية
أنا حاليا بعتبر حالي متأخرة عن الزواج وبسن عنوسة
لكن من منطلقي مابشعر أبدا إني مستقتلة للزواج ولعريس
اكيد بحلم بفستان ابيض وبيت واستقلاليه ورجل بحياتي وأهم ما اتمناه الامومة
لكني هيك مرتاحة ومبسوطة بحياتي وعندي استقلالية مع حالي ومع عائلتي
وعندي شغلي وعندي اشيا كتير مهمة بتعطيني راحة مطلقة
بعدين في شغلة مهمة مافي بنت مابيتقدملها عروض زواج لكن بترجع لوضع العريس بشكل عام وللنصيب والقدر
لكن الحياة اتغيرت جدا كان الرجل أيام زمان رجل وسند وضهر
هلىء للاسف الرجال اتغيرت والحياة ومفاهيمها اتغيرت
هلىء منسمع رجال بتتزوج لترمي الزوجات ببحور الدعارة
طبعا هي مثال من عدة امثلة وهي حالة عامة مو خاصة
أنا عن نفسي بحلم برجل متل معتز
بـــ باب الحارة
اشتهيت لاقي بشهامتو ورجولتو وعنفوانو
فهيك يا رعاكي الله
