[ابو نجبو]

مشكلة العنوسة أو تأخر سنّ الزواج ....
منلاحظ انو توجد اسباب مباشرة و وغير مباشرة لهالمشكلة
نقطة أولى ...الفهم الخاطئ لدى البعض لمعنى الزواج
أغلب الاحيان بتحكي مع الواحد بيقلك ..كرمال الانبيا ...مابقى اتحمّل ...عمبشوف البنت عمبيضرب معي المخ و تتوتّر أعصابي ....بدّي اتجوز و أخلص ....أو البنت ..بدّي أخلص بقا من بيت أهلي و أستقلّ
هون بهالحالة هاد الشخص انو فهمان الزواج هو جنس و استمتاع ....ورايح عن بالو انو الزواج مسؤولية و استقرار و بيتطلّب حنكة لمواجهة ظروف الحياة.....
وبالمقابل ...بنشوف كتير من الاشخاص بيحجمو عن الزواج لنفس الاسباب ..عدم قدرتو على تحمّل المسؤولية..وفهمو انو الزواج هو للجنس فقط ..فبيقللك ليش أتجوز ..وانا كل يوم مع وحدة شكل .....!!

مابشوف انو الحالة المادّية هي أكبر عائق للزواج ......كتير بتأثر ....صح ...لكن مو الاساس ...

بنشوف بعض الفتيات همّها الاول تحصيلها العلمي ...او الوظيفي ...وبتقول انو "لاحقين عالزواج" ....بعد فترة بتشوف انو السنين عدّت بسرعة و صار الوضع يخوّف ....
مع انو انا مابشوف أي تعارض بين الزواج و التحصيل العلمي ....

النقطة التانية ....الوضع البيئي الاجتماعي ....

تتفاقم المشكلة بالمدن الكبيرة و المجتمع الحضري بشكل خاص ...شي أكيد ..تعقيدات حياة المدن الها كتير تأثير على الاواصر و العلاقات الاجتماعية ...بتختلف كتير عن الريف و علاقاتو الناظمة و الاواصر الاجتماعيّة اللي بتحكمو.....
وكمان بتختلف من مجتمع عربي لاخر .....
انا بسورية أو العراق أو مصر أو دول المغرب مابشوفها مشكلة كبيرة ...بقدر دول الخليج مثلاً اللي عمبيتعبروها هلاء مشكلة قومية ....

الحل برأيي ...هو بالتوعية ..ما النا الا التوعية ....
التوعية بالزواج و مسؤولياته و أسباب نجاحو أو فشلو ...التربية ...تنظيم الاسرة ...محاولة تغيير بعض المفاهيم الغريبة واللامعقولة ....كالمهور الغالية ...الطلبات اللا معقولة من الاهل ....


اي وهيك ...