اقتباس:
كاتب النص الأصلي : sarraj
سوريا بتقول انه فلكيا ..اول يوم بالعيد رح يكون يوم الاثنين الموافق 21 ايلول
|
شلون يعني فلكياً؟
طالما عم يقول الأخ:
اقتباس:
يولد هلال شهر شوال (هلال العيد) يوم الجمعة 18 أيلول حوالي الساعة 10 مساءً, ويغرب السبت 19 أيلول الساعة 6:40 بينما تغرب الشمس الساعة 6:34 أي أن القمر يبقى في السماء بعد الشمس لحوالي 6 دقائق". ولا تكفي فترة الـ 6 دقائق لرؤية الهلال, والتي تحتاج على الأقل لفرق 20 دقيقة, مما يعني أن الأحد 20 أيلول متمم لرمضان ويكون يوم الاثنين 21 أيلول أول أيام عيد الفطر.
|
فـ هاي ما بقى إسمها فلكياً.. هاي بقى اسمها "شرعياً".. (شرط الرؤية)
فلكياً.. يوم الأحد بداية شهر شوال.. طالما ولد القمر الجديد.. فـ تاني يوم شهر جديد
نقطة ع السطر
قصة إنو ينشاف أو ما ينشاف.. هاي شغلة تانية
الرؤية وسيلة من وسائل المعرفة..
بزمانات الرسول ما كان لسا خلق البتّاني (العالم اللي عمل أزياج فلكية بتقدر بواسطتها تعرف باليوم والساعة والدقيقة أيمتى رح يولد القمر الجديد بأيا شهر وبأيا سنة)
فاعتمد الرؤية لإنها الوسيلة الوحيدة
بينما بزمانات البتاني (ابن الرقة السورية) كان يصوّم ويفطّر العالم حسب حساباتو (والتي لا يأتيها الباطل من ولا مطرح)
أما إنو هلق بالقرن المدري قديش نرجع لشرط الرؤية؟
إي ان شالله تغيّم فوق كل الدول العربية لمدة أسبوع.. وخليهن ينطروا يشوفوه
هه
ربما كان عدم الاتفاق أقصر مسافة بين فكرين. (جبران النبي)