[MaTyA]

كاتب النص الأصلي : قرصان الأدرياتيك

طيب أنا عندي لغز والشاطر يحلو:

هاد يا سيدي في ملك وعندو أربع وزراء أذكياء كتير، يوم مالأيام خيبولوا ظنّو فين، قام عاقبن وقللن إذا قدرتوا تنَفدوا حالكن عَفْو، وإذا لأ إعدام... جوك جوزال.

طمرن أربعتن بالأرض وخلى بس راسن طالع الثلاثة الأوائل وجهن ناحية الشرق وحط حيط بيناتن وبين الرابع يللي وجهو عالغرب. لبسن كل واحد طاقية بالترتيب أبيض أسود أبيض أسود. وقاللن: بيحقلكن تقولوا كلمة وحدة بس ولازم تكون لون الطاقيّة يللي على راس اللي حكى، وإذا صح العفو عنكن وإذا غلط إعدام. فهمتو شي لهلا؟؟؟؟

باختصار الوزرا ما بيعرفوا أنو الطواقي مرتبة بهالشكل، فمين اللي حكى وشو قال؟؟؟؟

اللغز ما فيه أي لعب عالكلام... وإذا في استفسارات فأهلاً بكم.

بسيط..

رح يكون من الـ التلاتة..

في ترتيب الـ 3 اشخاص.. لنقول .. ابيض ، اسود ، ابيض

بهالحالة يللي لون طاقيتو اسود هوي بيطلع.. لانو رح يقول..لو لون طاقيتي ابيض كان يللي ورايي عرف انو لون طاقيتو اسود بما انو من كل لون في قبعتين بس.. بالتالي بيعرف انو هو اكيد لونو طاقيتو مش متل طاقية يللي قدامو.. يعني بيعرف انو بما انو يللي قدامو ابيض فهو اكيد طاقيتو سودا..

الاولاني في احتمال كمان يعرف.. لما التاني بيقول يا حاكم انا طاقيتي سودا .. الاولاني اذا عرف انو التاني طاقيتو سودا.. رح يخطر ببالو انو لو هو اسود كان التالت عرف لو طاقيتو..(للسبب يللي قلناه) بس بما انو التالت ما عرف لون طاقيتو فـ اكيد الاول رح يعرف انو لون طاقيتو غير التاني يللي طلع.. بالتالي بيعرف انه ابيض

لا حدا يرد.. لاني رح عدل ردي.. شنو كتبتو بدون تنقيح