اقتباس:
كاتب النص الأصلي : Syrian Gay
لا ما بيستحقوا ..
هني شباب .. هني بحاجة لمصاري .. سوء تصرّف .. الا ويكون عندون ظرف معين ..
بعدين ليش عقوية الإعدام .. السجن أفضل .. على اعتبار السجن بيأدب .. الإعدام شو بيفيد ؟
الإعدام المجرم بيرتاح فيه .. بس السجن بيلاقيها صعبة .. وبيفكر بيللي ساواه .. بيراجع حساباتو .. بيتوب ع فعلتو ..
بس بالاعدام شو بيفيد ؟ هي لحظة وبيموت وكأن شيء لم يكن ..
|
يازلمة مشان الله شلون بتحكي انت
عنجد كلامك بشق الواحد نصين يالله
شو سجن وماسجن
وشو شباب بحاجة لمصاري وما مصاري
انو انت بتحكي من كل عقلك ولا بتمزح
يعني ازا بحاجة لمصاري عادي يروحوا يقتلو الزلمة ويشلحوا مصاري ويشوهولو حثتو كمان
ولسه بتقول مالازمن اعدام
لك عيني ع حد قولك السجن بادبن
السجن ما بأدب حدا
رح ينحبسوا 10 20 سنة وبعدين رح يطلعوا
حتى لو انحكموا مؤبد رح يطلع عليهن عفو بيوم من الايام
وبتقلي بالسجن بفكر باللي عملو ؟
اي خلي يفكر ويراجع حسباتو
طز
شو يعني ازا فكر بالعمرو
وشو يعني ازا تاب وراح باس ايد ولادو للزلمة وايد مرتو للزلمة وايد جدو للزلمة
ماخلص الزلمة راح وتشوه وماعاد يرجع والولاد تيتمو والمرة ترملت
وماعاد يفع شي اسمو اعتزار ..
وخلي يفكر باللي عملو لبكرة ويندم عليه اذا المغدور راح
انت عبتحكي هيك لانو لا هالزلمة بيقربك ولا بتعرفوا فمارح كتير تسأل عنو
بس لو كان الزلمة ابوك او اخوك (لاسمح الله وبعيد الشر عنن والله يخليلك ياهن )
شو رح تعمل بوقتا
رح تحكي من هالمنطق الحنون تبعك وتقلن حرام ينعدمو
حرام شباب كان لازم مصاري
ياي حبسون بركي بفكرو باللي عملو وبتوبوا
قيسا ع حالك وفكر فيا
وشوفا من عيون هالولاد اللي راح ابون غدر
بعدين حتى لو انحبسو
بس يكبروا ولادو للزلمة
رح يروحوا وياخدو تارن من اللي قتلو ابون ويشلو املن
وبشتغتل بقى قتلني وقتلتو
وبتصير مجازر بهالبلد
وكلو مشان حضرتك انت والناس اللي بتفكر متلك اللي ضد قانون الاعدام