[اممي]

كاتب النص الأصلي : Abu ToNi

مسرحية انا عندي اياها على dvd من الروائع اللي انتجها الماغوط

من المؤسف انك تشوف المستوى الهابط اللي وصل اله المسرح السوري بعد ما قدر يقدم هيك مسرحية رائعة

يعتقد بعض الاشخاص امثال همام حوت وغيره بانه اذا صعد على خشبة المسرح وقام بذكر كلمة " ابن كلب " واختيار كلمات معينة ذات معنين جنسي قبيح و معنى متدول مع التلميح بشكل كبير على المعنى السخيف يعتقد بانه صار " شخصية مسرحية " وبان اللي عبقدمه بيندرج تحت باب المسرح

للاسف طولت عليكم وما شفت حالي غير عبكتب على همام من كتر من قلبي ملان منه

على كل الاحوال المسرحية رائعة وبطلب من الكل يحضرها اكتر من مرة لانه بكل مرة حتوجد معنى جديد كنت غافل عنه وحتفهم القصة تحت شكل تاني وهاد احدى اهمم صفات العمل المسرحي الناجح .

عفكره انا ضد فكرتك تماما!!
ليش اختزلت عظمة مسرحنا بشخصيه همام حوت ؟؟
ليش وين راح نضال سيجري وغسان مسعود وفايز قزق وغيرهن وغيرهن لك مسرحنا للاسف بنضري انجح بكتير لسا من مسلسلاتنا بس ناقصو حدا يحط عليه الضو
تعرف ان كتير من مسرحيات الي بتنعرض بمسرح الحمرا الناس بيقعدو فيها عالارض؟!!
الي بيقول عنا ان في ازمه بالنوعيه او بالحضور بالمسرح السوري الجاد بيكون مو متابع العمل المسرحي السوري غير عن طريق السيديات ومحلات الفيديو ,ازمة المسرح الي عنا ياها ان ماحدا داعمو وماحدا عم يسوقلو