الكل بيعرف شو هو النظام وإلى الذين ما بيعرفوا شو هو بحب أقول لهم بكلمتين صغار النظام هو دليل رقي الشعوب وهو وليد الرقي التطور فكلما كان النظام متطور كان البلد متقدّم أكثر .
السياسة : ( بحسب كتاب القومية للبكلوريا ) هو النشاط الاجتماعي الهادف والمنظم الذي تقوم به السلطة السياسية لضمان أمن الدولة الداخلي والخارجي وتحقيق مصالحها ويخضع لهذا النشاط مؤسسات الدولة وأفرادها .
التهجين : هو تزاوج بين سلالتين صافيتين ومن نوع واحد تختلفان عن بعضهما بشفع أو أكثر من الصفات المورثية المتقابلة .
يمكن اللي بدي يقرا الموضوع عبقول هلق اني سكران يعني شو جاب النظام السياسي للتهجين
طولوا بالكون جايي بالتفسير ؛
بكل بلدان العالم ( باستثناء العرب ) في نظام سياسي صافي وبقصد فيه اما ملكي أو جمهوري أو....... بس اللي مع عبفهمه هو طبيعة النظام السياسي في البلدان العربية وباعتبار ما عندي الوقت والمعلومات الكافية حتى أناقش كافة السياسات العربية بدّي أنفرد بمناقشة السياسة السورية بوجه الخصوص .
وبحب أعتمد بمناقشتي على كتاب حزب البعث والذي يدرّس لكافة الطلاب السوريين بمختلف الأجناس والأديان والمعتقدات وكأنه منـزّل من السماء وهو بالمناسبة يدرّس تحت اسم كتاب القومية وللأشخاص اللي ما عندهم فكرة بالامتحان الأخير عليه 20 علامة مع العلم أنو علامة واحدة بتغير مستقبل الشخص ومسار حياته لبقية عمره بس بدّي حدا يقول لي هاد مو الكفر بعينه .
خرجت عن الموضوع مي مشكلة بس هلّق عب أرحعله ، بدي أناقش أنواع الاتظمة وبعدين بدّي أترك لكم الحكم على طبيعة النظام الحاكم .
النظام الملكي : بكل بساطة يُرث الأب لابنه الحكم من بعده وبتكون الأسرة الحاكمة من اعرق العائلات في البلاد . وفي بعض الدول الأجنبية حافظت على تقليد النظام الملكي بس قامت بسحب كافة الصلاحيات من يد الملك يعني صار منصب الملك منصب فخري لا غير .
النظام الجوهوري : يعتمد على الانتخابات ومشاركة الشعب بكافة قطاعاته بالحياة السياسية ووضع الصلاحيات بيد الشعب وبحق للجماهير عزل الحاكم في حال استبداده وتجاوزه صلاحياته .
والسلطة في النظام الجمهوري مستمدة من ارادة الجماعة المحكومة واختيارها الحر .
بس السؤال بيقدر حدا يحدد نظام الحم في سوريا ؟؟؟؟؟؟؟؟؟؟؟؟
في البلدان المعتمدة النظام الملكي ما بتشوف الشعب عبيتذمر لأنه مآمن أن الحاكم سيستمر بحكمه سواء كان مستبد أو سيء الحكم وسلطته المطلقة تمتد لعدة عقود وعلى هاد الأساس يتعايش الشعب مع الوضع .
أما في الدول المتبعة للنظام الجمهوري فلا وجود لسلطة الحاكم على غير حق .
فالحاكم ليش سوى خادم للجماعة لتحقيق طموحها وأهدافها الشرعية .
بس في النظان الهجين يللي ما بنعرف له راس من رجل بتشوف الأب بيورث الحكم لابنه تحت اسم النظام الجمهوري والدمقراطي الشعبي !!!!!!!!!!!!!
وسلطة الحاكم مستمرة لعقود من الزمن وسلطته مطلقة تحت اسم النظام الجمهوري !!!!!!!
يعني يا جماعة نحن يحق لنا التمتع بنظام صافي من سلالة صافية وبلا لنا السلالة الهجينة ومن الآثار السلبية الناتجة عن التهجين بين الانظمة .
وعن قريب استنوا منشأ السلطة الهجين ويللي بحب يكون فكرة على الموضوع افتحوا كتاب القومية ( اللي بحب دائما ارجع له بمناقشاتي باعتباره المادة الوحيدة اللي متوفرة بين ايدي حالياً ) صفحة 32 . ترقبوا الموضوع .