الحرية كلمة كتير كبيرة ... فيكي تعتبريها مزيج من كتير اشيا ... بتصنع الأنسان الحر ...
متل ما بيقولولنا الكمال المطلق لألله ... شكلا كمان الحرية بالمطلق ... كمان لألله 
هلق الحرية بداية هي حق ... وبدونا الأنسان ما بيقدر ينمو .. وأي استلاب من حرية الشخص إنقاص من قيمتو كفرد
برواية زوربا ... اللي انا كتير بحبا في جملتين كتير حلوين ... وبحبون
اقتباس:
|
هذا ما يجعلك إنسانا : الحرية !
|
والتانية
اقتباس:
|
كيف تستطيع الزهرة أن تنمو و تعيش وسط السماد و القذارة ؟ افترض يا زوربا لنفسك أن هذه الأقذار هي الإنسان و أن الزهرة هي الحرية
|
أنا بأمن أنو الأنسان بيخلق حر ... ما بيحصل عالحرية استحقاق ... بس الحفاظ عحريتو هوي موضوع تاني ..
أنا تأحافظ عحريتي .. لازم أحافظ عانفتاح فكري ... اكون قادر أتقبل أكتر الأفكار غرابة ...واختلافا .. وإلا بكون أسير أفكاري ... لأحافظ عحريتي لازم أول شي فكري يحلق .. حتى حدود الأفق ...
أيا تشدد أنا فيه هوي قيد شخصي لحريتي ..
تشددي تجاه الدين ... تشددي تجاه وطنيتي ... تشددي تجاه أي قضية كانت
أنو أكون حر ... أكون قادر أعبر عن حريتي ... وهادا غالبا منفتقدو للأسف .. أنو أأقدر أعبر عن ذاتي بحرية .. أن يكون الأبداع حر والفن حر والكلمة حرة والرقص حر ...... ألخ ...
حاج حكيت كتير يمكن برجع للموضوع ويمكن لأ ... ميرسي عالموضوع 
|