اقتباس:
كاتب النص الأصلي : yass
أميركا الجنوبية بعتبرها فكريا و عملياتيا ... قبلة اليسار, من زمان
و ما قصدي فقط بقادة, أو ناس مشهورين... و قصدت استثني شافيز لأنو ما بشوف فيه غير شعبوية رخيصة (رأي شخصي) كون بيحكي كتير لكن وقائعو كتير مختلفة عن حكيو كون كتير بيحكي عن "مستر رانجر" و يسب ببوش و بأبوه.. لكن أميركا ما زالت ثاني مستثمر بفنزويلا.. و نفس فنزويلا سكارسا ع أميركا رايح
في عندك حركات.. اقتصادية و اجتماعية و ثقافية.. بأميركا الجنوبية... ياريت نتعلم منها
|
وانت عيني ... انا بدي شوية حكي عن هالاشياء اللي عم تتمنى انو نستفيد منها...يعني شي عملو؟؟ بدي شي ملموس...يعني شي عملوه و انجزوه و بينت نتائجو لو سمحت مشان افهم عليك
اقتباس:
|
أي مزبوط.. و النظام الرأسمالي ما عندو استعداد يدفعلك قيمة علاج كيماوي ازا محتاجو.. رغم انك دفّيع ضرايب.. لكنو مستعد يبذل المليارات الكثيرة (من جيبك) في سبيل ينقذ بنك دخل بأزمة... نتيجة جشعو
|
اي و هون بيجي الحل الوسطي اللي عم احكي عنو يا ياس ... انو الدولة تجبر صاحب هالمليارات يدفع مشان الفقير يتعالج عند الدولة بالضمان الصحي...و بعدين يصطفلو و ينفلقو ان دفعوا مليارات ولا عمرينهم ما يانقذوا هالبنك المفلس نحنا شو بقى بيهمنا؟؟ يعني يشارك بالشي المفروض عليه و بعدين هو حر بثروتو الزلمي ان شالله يحرقهن للمصاري...
اقتباس:
|
لكن هالأمر لا علاقة له بالرأسمالية... بالرأسمالية انت تدرس و تتكسر.. لتصير دكتور... و انت ولا شي مقابل واحد ما بيعرف يفك الخط لكن عندو مصاري ليشتري مستشفى و يستعبدك فيه
|
لا بدي يستعبدني ولا استعبدو.... ان شالله يكون امي جاهل...المهم عم يقدر تعبي بهالمشفى و يدفعلي الراتب اللي بستحقو و ما ياكل عليي متليك واحد لا من قريب ولا من بعيد.... فيو شي هالحكي يا عمي؟؟
انت بربك بقالك سنة بيجوز او سنتين ما بعرف بالضبط و بتتخرج و بتصير دكتور...طيب اذا صرلك شغل بمشفى خاص رح تشتغل شي؟؟ الراتب مغري طبعا.... شو بيهمك
بحياة ابوك عم حلفك يا ياس اذا كان صاحب المشفي امي ولا عالم ذرة ؟؟
اقتباس:
الضمان الصحي مانو تجرة.. الدولة ما تكسب منو مصاري, بالعكس يكلف.. بس شو بدك احسن من هالكلفة؟ ازا ما صرفت ع صحة مواطنيها ع شو بدها تصرف؟ ع صحة البنوك؟؟
و طبعا مانو شي فاشل أبدا..بالعكس... أساس من أساسيات المجتمع, اللي بحكي عنو
و ازا شي منيح للمجتمع و منيح للمواطن.. ستين جهنم تخسر الدولة..الدولة مانا شركة لحتى بدوّر ورا المربح.. المصاري اللي تحطهون ع الضمان الصحي تطالعون من غير مطرح و خلص
|
هيك انا معك مية بالمية بهالكلام...
اقتباس:
|
حقك علي.. انو ازا أنا فاتح موضوع.. اشرحو.. و يسعدني انو موضوعي, خلاك تفكر و تناقش فيه, بالعكس لازم اشكرك ع هالشي
|
اي لا بالعكس يا رجل هيك احسن ... لانو اذا كان الموضوع كتير مشروح ساعتها ما رح يكون في اسئلة و استفسارات و نقاشات ...
اقتباس:
|
بس انو ضعت شوي و ما عرفت بالزبط وين مربط الفرس
|
زكرتني بجملة من غنية قديمة قللي ياها خالي مرة ... ديغول خبر دولتك باريس مربط خيلنا
((((*(*(*(*(*(*(*عصابة الملوك *)*)*)*)*)*)*) ))))
بلا حب بلا تخريف
بيع القلب واشتري رغيف
ايامنا صارت صعبة
والدنيا منها لعبــــة