صباح الخير ،
اتفق معك أن اللبس أمر طبيعي ، وأختلف بكثير مما ذكرت ( خلصت حكي بالفصحى .. ما سيلي بالعامية ، فتحملني )
هلق بما انو على سبيل المثال لا الحصر
قسم الملطوشات ما انشق عن قسم حصاد المواقع ( بما أنو يعني أنا من الأشخاص اللي دافعت عن وجود قسم للملطوشات )
قسم الملطوشات ، هو لإنقاذ تلت اقسام بأخوية ،
الصالون من المواضيع المنقولة من الايميل
وعلم النفس من مواضيع متل اعرف نفسيتك من نوع مدري شو
وقسم الرسم والتصوير ، من الصور الملطوشة ( زهرة ووردة وبستان وسحابة ومدري شو )
لنرجع هالاقسام لمسارن الطبيعي صار في قسم للناس اللي بدا تنزل شي منقول حبتو ، بس ما بتعرف شو مصدرو
اقتباس:
مثلا لو اتيت بمقالة سياسية لا يعرف كاتبها ..هل سأضعها في حصاد المواقع
بحكم انه يختص بالمقلات السياسية ام سأضعها في الملطوشات بحكم انه
يختص بالمقلات التي ما ينعرف قرعتها منين؟ ام اعمل قرعه ؟؟؟
|
ما تنزلها لهي المقالة السياسية بأخوية ، لأنو يعتبر نقلها بدون معرفة مين كاتبها .. انتهاك لحق الكاتب بمقالتو
أما التي يتوالد بعضها من بعض ، بلكي بتعطيني غير المثال ، اللي وضحتلك الفروقات بيناتن
انا من الاشخاص اللي مع التفرع ، ولسى اكتر من هيك بكتير
قدي بيكون بإمكانية الشخص يتابع قسم من كام صفحة ؟
كلما تفرعت الامور عرف الشخص ع شو بدو يدور
انا ما بدي اقرا اقتصاد ، وسياسة مع الادب
بدي اقرا علم نفس ، بتوجه لعلم النفس
بدي فن في خلية فن
وهكذا ؟
الموضوع مغلق لأنو ضوابط الكتابة ليست للنقاش ، هي مجرد توضيح اداري
|