اقتباس:
اول شي ياصديقي متل ماردو بعض الشباب والصبايا بعمرو ما كان ولا رح يكون الهروب هو حل المشكلة
الحل الوحيد للمشكلة بجميع اشكالها هو مواجهة
فكر كيف بدك تواجه مشكلتك
وبعدين فكر بهدفك
وركزلي على كلمة هدفك يلي هو اهم شي انك لازم تحددو اذا مو محددو
|
عيني بقلك شغلة؟؟؟ تعا ندرس الواقع اللي عايشتو هالفئة من الشباب
شاب عمرة 25 سنة متخرج من كلية هندسة او طب او ادب او ترجمة
برم مدينتو كلا و حط فيها السي في تبعولو و ما لاقى الرد و يوما عن يوم ما في نتيجة و بهالفترة هيدي عم يشتغل بالعمار يعني مش حتى بنّاء
مساعد عمرجي عم بيحمل بحص و شمنتو و رمل فترة معينة شي شهر شهرين تلاتة و يمكن تطول المدة و ما في اي نتيجة لتخصصو اللي درس عليه دم قلبو من السنين بزمتك كيف رح تكون نفسية هالشب ؟و ابوه و امو كل يوم بعيونون نظرات التحسر و لسا الشباب جيرانو كل واحد مدري باي سنة موقف تعليمو و عم يشتغل و م رتاح و منيح وضعو قلللي انت ؟؟؟؟
ما رح يفكر بالهجرة ؟ ما رح يفكر بالهروب من الواقع المشين اللي عايشو ؟؟ ما رح يتعاطى دخان و بالتالي يمكن مخدرات بعدين بعد ما يتطور الوضع المزري؟؟
اه ؟؟؟
المجتمع سمعان فيه ؟لاء عم يتشمّت...
مهمن حدد هدفو ما رح يوصل لشي لانو الظروف بتلعب لعبها و الواحد لما يكون في الاتساع بيحكي كيف ما كان و اللي ايديه في المي مش متل اللي ايديه بالنار ...عدا عن هاد الشب الو اب بدو يعتني فيه او هوي كبير العيلة و مسؤول عنا
-------------------------------------------------------------------------------
القصة و الموضوع كتير طويل الو علاقة بالسياسة و بكل شي..
يا عمي نحنا بلا تاريخ يلا اصل بلا ثقافة بلا دين متل ما بدكون
بس بدنا نربح يعني بدنا نربح شو سمعتو ؟؟و الاهرامات بينهدو تحت رووس كل مين بيكرهنا
|