وعالسيرة ...
اجاني من فترة هاد الايميل الحلو
اقتباس:
|
كان مما قاله دكتور محاضر في دورة بأمريكا تحت عنوان
(كيف تتغلب على القلق): إذا أردتم أن تتغلبوا على القلق وضغط العمل فلا بد من إفراز الجسم لمادة اسمها (الأندروفين) هذه المادة إذا أنتجها الجسم فإنها تهدئ البال وتريح الأعصاب وبدأ بعد ذلك يتحدث عن كيفية إفراز هذه المادة فقال :إن هذه المادة لاتخرج إلا إذا عزل الإنسان نفسه فيعيش مع ذاته ويخلو بنفسه فتخرج هذه المادة وبدأ يفصل في كيفية انفصال الإنسان عن الواقع وإخراج ما دة الأندروفين فقال:
أولآ: من خلال النوم العميق ..
ثانيآ: الإسترخاء ولو لعشر دقائق يوميآ .
ثالثآ: الرياضة بحيث لا تقل عن ست ساعات أسبوعيآ .
رابعآ: ـ وهذا ما عجبت له ـ حيث قال الخشوع في الصلاة .
.. فهو يرى أن المسلمين أفضل من غيرهم في هذا المجال حيث أنهم يصلون خمسآ وثلاثين صلاة في الأسبوع وفي الصلاة يكون الإنسان مفصولآ عن الواقع فيقوى خشوعه وهنا تخرج مادة الأندروفين بكثرة وكلما قوي خشوعه ازداد راحة وطمأنينة .
ومن هنا ندرك مغزى قول النبي صلى الله عليه وسلم لبلال رضي الله عنه (أرحنا بالصلاة يا بلال)
فما أعظمك إسلامنا وما أعظمك يا رسول الله
|
ولسوء الحظ انو انا عندي خلفية بسيطة عن هالهرمون ..مرّة تناقشنا أنا و أخي الطبيب عن بعض الشغلات المبهمة بالنسبة الي ...
فـ قمت ردّيت على صاحب الرسالة
اقتباس:
|
الهرمون اسمو الاندورفين....مو الاندروفين
هاد الهرمون مسؤول عن حالات الهيجان و النشاط الطبيعي و القشعريرة الغير ارادية " او لما بتقول طب قلبي "....ازا شفتلك شي منظر مرعب او تعرضت للخوف او للاثارة الجنسية..كما انو مسكّن ألم فعال
وحزير....بوقت القذف أثناء ممارسة الجنس ...بيصير بهال اللحظة افراز أعظمي لهاد الهرمون ....لزالك بتحس بسعادة و لذة كبيرة بعد ممارسة الجنس
وهي خفيفة الفعالية و ذات تأثير قصير الامد ....مابيستغرق مفعول الهرمون عالجسم أكتر من دقائق معدودة...بعدين بينتهي بالبول
لزالك كتير من العلماء قالو انو تأثير الاندورفين مشابه كتير لتأثير المخدرات المتنوعة ...متل الكوكايين و الهيرويين وحتى النيكوتين
يعني ممكن ندمن على هالمادة ....وهاد بيفسر ...انو في كتير من البشر بيدمنو على مشاهدة أفلام الرعب أو ركوب "الافعوانات"...تبعيت الملاهي...ورياضة الجري
وبما انو مسكّن للالم ..هاد بيفسّر كمان ...أنو في بعض المرضى ...بتوهمون انك عطيتون دوا....فبيصير عندون تحفيز لافراز هي المادة ...وبالتالي بيشعرو بتحسن ...وبزوال الالم....مع انو بالواقع انته مالك عاطيه أي دوا ...
بقى شو دخل الصلاة بالهرمون بالخشوع بالراحة بالعجّة !!
حبيبي يمّون ياريت لما بجيك ايميل انو تحرّى عن هالكلام ...هل هو صحيح أم لا ...والله الشغلة ماهي صعبة !
|
الزلمة رجع بعتلي ردّ ..بستحي حطّو هون
....بهدلني فيه ....وبما معناه بتصرّف....فوق مالي متذكّرك و ببعتلك ايميلات ...الحق مو عليك الحق عالحمار اللي بعتلك ..ولا بقى تفرجيني وشّك ..الخ الخ
بس أنا مازعلت منّو ...رجعت خبرّتو و أخدناو عطينا ...ومشي الحال
و بصراحة انا حسّيت بسعادة ..قدرت أثّر على هالشخص ..وخليه يغير عادتو ..ويحاول يتقصّى و يبحث أكتر