اقتباس:
كاتب النص الأصلي : ranran
برأيي هاد الموضوع مرتبط بشكل كبير بالحرية
و بما أننا شعب بشكل عام غير مربى على الحرية و احترام اختلاف الآخرين سيظل هذا الموضوع محط جدل و استهزاء الكثيرين
بس أنا ما بقدر أستوعب كيف في عالم بتحسب انو بس هيي البشر و البقيان حثالة أو دون المستوى أو بدو حرق
و كل واحد خلي يحط حالو لحظة محل غيرو شان يقدر يستوعبو
أنا شخصيا بعتبر المثلي إنسان متلي متلو هوي هيك و أنا هيك و ما حدا مطلوب منو يكون نسخة عن غيرو
طالما هاد الشخص محترمني و بتعامل معي بإنسانية ما عندي أي مشكلة أما في ما يخص حياتو الجنسة أنا مالي دخل
أما بالنسبة لتربية الأطفال بعائلة مثلية بصراحة انا ما عندي فكرة عن دراسات أو احصائيات بتأكد أو بتنفي اذا هالشي رح يأثر على نفسية الطفل و إذا كان بأثر فأنا ضد هالشي لانو كل شخص حر بس ما من حقو يقحم حريتو بغيرو و يمنع غيرو من أنو يختبر أشيا هوي ما اختبرا
شكرا كتير ع الموضوع
|
بهنيكي على هالتفكير
وبالفعل انت انسانة وانسانية وهاي وردة
والمشكلة متل ما قلتي انو ما حدا بيحط حالو محل التاني انو لو كانت المشكلة انت فيا شو كان حسيت والعالم كللون ضدك ومو بايدك الشغلة وبتشوفي العالم اغلبون بيتمسخرو على يللي مو متلون
وانا بشان هيك بكره العرب وبحب الغرب كون الغربيين بيتعرفو على الشخص قبل ما يحكمو عليه وبيفهموه وبيحاولو يعالجوه حتى لو ما كانو دكاترة بس بيحاولو على خلاف العرب يللي بيفكرو انو يللي مو متلي بدي احكي عليه واكرهو وهيك
ويسلمو على مخك الحلو المتقبل