[Barleb]

عن الراوي أبو سارة رضي الله عنه :

راح احجيلكم قصة حياتي من يوم اتزوجت الى يوم مماتي
حبيت وحدة اسمها سعدية حلوة كلش عبالك فرنسية
تكنس وتغسل هدومي تطبخ ومتوجعلي بلعومي
رجعت فد يوم للبيت جنت متونس وبالباكيت
شفت مرتي كدام التلفزيون تتفرج فلم السهرة .... كلتلها وين الاكل يمرة
كلتلي (امشي لتتأمّر علية )
شلت السكينة وذبحتها ......................... وبيدي اني كصيت ركبتها
حتى لحد يسمعني شغلت شوية موسيقى ......... شلتها ودفنتها بالحديقة .
يمة علاوي ................... يمة يخوّف
رحت على ابوها كتلة .. عمي بنتك عافتني ... كلي (لا تدير بالك ابني ... راح ازوجك سنية حتى تنسى هموم سعدية )
فتزوجت سنية ولو تشوفون شلون طابوكة طاحت علية
هذي لا تعرف تطبخ و لا تكنس
كل ما اكلها اش دتسوين ........ تكلي دا ارقص
كلتلها الخميس اليوم تعالي
كلتلي (امشي انت فد واحد سرسري )
رحت جبت البندقية ضربتها طلقة اجا شوية الدم علية
اخذتها ودفنتها يم اختها بالحديقة ............. حتى لا تضوج اقلها يكون عدها صديقة
رحت على ابوها وكتلة عافتني
كلي (والله يا ابني انت شقيتني )
يمه علاوي ..................... يمة يخوف
كلي هاي بنتي الصغيرونة .... تزوجها وهي حلوة عبالك بزونة
اتزوجنا وكلشي جان (كان) تمام
الى فد يوم جنى دنتفرج فلم لعادل امام
باوعت علية و كلتلي (تاكل حلا ) ......... كلتلها جيبي احسن ما ينذب بالمزبلة
اكلت شوية وبطني قامت توجعني
باوعت علية وكالت ... هذا كلة مني
اني حطيتلك السم بالصينية حتى يكون موتك على ايدية
واني اختنقت وبعد ما اكدر اتنفس وما اكدر احجي عبالك اخرس
الى ان من النوم كعدت
وما جان اكو لا سنية ولا سعدية ولا هذيج البومة الاخيرة
و جان كلة حلم واني جنت بي عبالك بطل فلم ..