اقتباس:
كاتب النص الأصلي : Government
هلأ بما انو نتائج التاسع طلعت امبيرحة .. والناس فرحت بولاد
اللي دخل عامة واللي ماطلعلو واللي رسب الخ ..
انو السؤال اللي بيطرح نفسو دائما وكل سنة
لايمت هالعلاك تبع التاسع
وليش ليصير التاسع شهادة ووجع راس .. وليش مانصير متل بقية الدول التاسع صف انتقال عادي بس يخلصو الطالب هو اللي بحدد شو بدو يدخل علمي ولا ادبي او اي شي تاني بغض النظر عن علاماتو ..
هلأ هي انو بشكل عام بعتبرا كتير حرام طالب بعمر 14 او 15 سنة بنحط بضغط نفسي متل الضغظ النفسي تبع البكالوريا .. يعني هي عنجد ضغط رهيب وخصوصي اتجاه الاهل والقرايبين ..
فانو الولد والبنت بهالمرحلة مابكونو على قدر كافي انو يتحملو هيك ضغط .. وع شي مو مستاهل
ولحدا الان تقريبا 90% من الدول العربية ماعندا شي اسمو تاسع والتاسع نظام انتقالي عادي .. وبطن هالنظام التعيس نحن الوحيدين عمنتبعوا لهلأ ويمكن بلبنان كمان ..
انو بدا بس القصة شوية تطوير وتفكير بهالنظام التعيس شوي واللي فيو شوية غباء بنظام الشهادات والمنهاج عنا
ويقدروا انو هالطالب اللي عمرو 15 سنة بكير عليه بتحمل ضغوطات وحكي عالم وحكي اهلو وانو يكون محل ثقة كانو رجال عمرو 30 سنة !!
ويتركو هالضغط وتحديد المستوى تبعو للبكالوريا وهنيك هو يصطفل ..
|
الفكرة لازم تبدا من المجتمع نفسه
يعني بدي اسالك شي مين من الاهالي
لو كان الموضوع اختياري رح يحط ابنه بغير العامة
لان فعلا المجتمع بينظرللعامة درجة اولى
والتجارة تانية والصناعة فشل
بجد فاجباري طالما تفكيرنا هيك رح تبقى التاسع شهادة
نفس الموضوع بالبكالوريا الكل بدو طب
فالطب صار علاماته عند السما
يعني باختصار نحن اتربينا على هيك
تربينا انه نلحق الشي الموجود وما ننظر للشي الي بدنا ياه فعلا
يني ما حدا بيدخل جغرافية لان بحبها اذا طلعله احسن
لان بيعرف انه الجغرافية بالنسبة للناس فشل
وصلتك فكرتي
بتمنى كون عبرت صح
يعني نحن بدنا نتغير لحتى نغير
