القصة تدور عن والد عاقب ابنته ذات ال 5 سنوات لانها نزعت شرطان لف هدايا ذهبية و انزعج اكتر لما عرف انها استخدمتها للف علبة لتحطها تحت شجرة عيد الميلاد .في اليوم التالي اجت البنت مع العلبة لعند ابوها و قالتلو هاي هدية الك .الوالد خجل من تصرفو السابق و لكن غضبو رجع لما فتح العلبة و لاقاها فاضية و خاطب البنت بقسوة و قلها (ما بتعرفي انو لما بتجيبي هدية لحدا ما لازم تكون فاضية ؟؟)
قامت اتطلعت فيو البنت و الدمعة بعينها وقالت ( يا بابا العلبة مو فاضية انا عبيتها بوسات امبارح لحتى انملت كلها)
انصدم الوالد و نزل على ركبو و حضن البنت و ترجاها انها تسامحو على غضبو و خناقتو الغير مبررة .
و بعد فترة وجيزة صار حادث مع البنت و توفت و يقال انو الوالد خلا العلبة الذهبية بقرب تختو طول فترة حياتو و كان كل ما يواجه مشاكل بحياتو يحمل العلبة و ياخد منها بوسة تخيلية من بنتو و يتذكر حب بنتو اللي حطتلو ياه جواة العلبة .
في الواقع كل انسان عندو علبة ذهبية فيها حب و بوسات من أولادو أو أهلو أو ربو و مافي أي ممتلك غالي ممكن الشخص يمتلكو متل هالعلبة
شكرا لالك على القصة الرائعة و شكرا لالي على الترجمة 
ما لقيت و لا وحدة بتستاهلني
Only the Almighty God can judge me
|