[اية الرحمان]

كاتب النص الأصلي : TheLight

وائل انت ما قريت كل ردودي
ردي الاول قلت فيه انو هو مخالف للشرائع الدينية كفعل وكممارسة....اما عن وجود علاقة جوهرية بين عذرية البنت بالشرف والاخلاق فانا بعتبر انو هاد الكلام كتير كبير وغيرمقبول....لانو الشرف والاخلاق هن قيمتين او مفهومين اكبر بكتير من انو يكونو بيخضعوا لتعريف محصور ومرتبط ارتباط حصري بالعذرية أو بغشاء البكارة....
تاني ناحية....العلاقة يللي بتسقط من قيمة البنت هي الدعارة ومش العلاقة الجنسية مع شريك حياة قبل الزواج....طبعا انا هاد رأيي ومقتنع فيه لسبب بسيط...انو العلاقة الجنسية قبل الزواج وقت بتكون في اطار مجتمع لا يحكمه الدين وبفضل اني سميه مجتمع علماني مع انو التسمية ما نها صحيحة...ووقت بتكون باطار علاقة حب صحيحة غير قائمة ع الخداع متل معظم لعلاقات بمجتمعنا...بشوفها علاقة صحية وصحيحة....
وراح اعطيك مثال بسيط....انا عايش بفرنسا...واتحدى اي شخص يقدر يقلك انو فيه يمارس الجنس مع اي بنت الا اذا كانت حبيبتو وشريكته حصرا....بمعنى انو هون الجنس جزء من علاقة تعايش بين شخصين ومش موجودة بالشكل يللي بتتخيله الغالبية العظمى من شعبنا....
وبصراحة اكتر....الانحلال الاخلاقي يللي كنت شوفو يوميا بمجتمعنا الشرقي هو اضعاف مضاعفة عن يللي شفتو هون......
وجوابي ع سؤالك....وبغض النظر عن رأي أي حدا فيه لانو ما كتير بيهمني....انا بقبل اتزوج بغير عذراء وما عندي مشكلة....
طبعا رديت ع السؤال وما كنت حابب رد عليه ع العام لأنو هلئ بتسمع حكي بطعمة وبلا طعمة والشاطر بيصير يللي بدو يقيملي اخلاقي ومبادئي وبدو يحاول يعطيني مثال عن اختي...

راح اعارضك ووافقك بالاول انا مو متفقة معك على انو بفرنسا لو ما كان في حب ما راح تكون في علاقة جنسية بين 2 هذا خطا لانو هنن معروفين بهالممارسة يالي هي جد عادية عندهن تغير الشريك فقط للمتعة الجنسية لانو انا كمان عايشة بفرنسا وبعرفها كتير منيح بنت البلاد مثل ما بقولو
اما انو في ناس لسبب او لاخر بمارسو هالعلاقة يالي هي اعلى درجات الحب اي شي مشرف لمل يكون في ايطارو القانوني لانهن واثقين تماما من انهن راح يتجوزو هي قضية ثانية مع اني مالني موافقتهن عالفكرة بس في النهاية راح اضلو مع بعض
وعن انو حدا يحكم عليك فما بظن لانو انت يالي راح تعيش حياتك وانت حر وهاد مو معناتو انك مومنيح وخسيس وواطي
وملاحظة صغيرة معك حق في اكثر فساد في الدول العربية بالنسبة للغرب