[امرأة من ورق]

كاتب النص الأصلي : وائل 76

انا سؤالي كان واضح انو كيف راح تتصرف وقت ما تلتقي مع الشخص يلي ماريست معه قبل هيك

طيب سؤال صغير.... اذا انسانة مطلقة كيف لازم يعاملها المجتمع؟؟؟؟ يعني كمان يمنعها من الزواج مرة تانية لانو ممكن تنحط وتحط زوجها الجديد بهيك موقف وانو تشوف زوجها القديم اللي مارست معو ؟؟؟
يعني عن جد انت مقتنع انو هاد سبب كافي لعدم الزواج من انسانة مارست الجنس من قبل سواء بزواج او لأ؟؟

نحنا كل يوم ممكن نحب سخص جديد وكل يوم ممكن نلتقي مع اشخاص نلاقي فيهم اشيا عم نبحث عنها
ودايما ممكن نثق
لو كل مرة راح نلتقي بشخص ونشوف فيه شي عم نبحث عنه ونثق فيه ونمارس الجنس معه لانو تخيلنا انو هو شريك العمر راح تنقلب لدعارة يلي انتا بترفضها وصدقني ما في فرق بينها وبين العاهرة العاهرة بتقبض مصاري وهيا بتاخد هدايا

بصراحة وائل شفت خلط غريب بردودك بين الحب وبين العهر.... وبين هدايا انقبلت لانها من الحبيب ولانها بوقتها عالاقل كانت تعبير عن الحب والمودة وبين اجار عاهرة
بتمنى ترجع تشوف كلامك وتحاول تشوف هاد التناقض

هون ممكن انتا تقلي ان الثقة ما بنبنيها على اوهام ولازم نكون متاكدين من شريكنا
اوكي كلامك صحيح لكن الثقة هون مفهوم نسبي و مو كل الناس عندها الوعي والادراك الصحيح لتقدر تحدد مفهوم وخواص الشريك يلي لازم نثق فيه

بنرجع بنقول نقطة بظن سبق وانذكرت انو مو العذرية بحد ذاتها هيي اللي ممكن تخلق هي الثقة...... يعني ممكن انو تخطأ بثقتك بالشريكة سواء كانت عذراء او غير عذراء اول ماعرفتها..... وبالعكس مع وحدة قالت انها مانها عذراء بضل بتخيل انو الثقة اكبر لانها عالاقل حكيت بصراحة عن نمط الحياة اللي كانت عايشته ...... اما الصدمة الكبرى بتكون لما الشب بياخد عذارء وبيكون كتير معجب بانها عذراء وبعدين بيكتشف بطريقة ما انو عذريتها تركيب او انو فاتت بعلاقات جنسية مع كتير شباب بس كانو يتركو الغشاء موجود