الموضوع: الكون
عرض مشاركة واحدة
قديم 06/09/2009   #13
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : DARKNESS
سيتغير لون الشمس من الأحمر إلى الأصفر وتدخل مرحلة أخرى من حياتها فاقدة طبقاتها الخارجية من المواد نتيجة تمددها، ويتقلص داخلها باستمرار ثم تنهار طبقاتها الداخلية، وبعدها تصبح قزماً أبيض.
قبل ما تتحوّل الشمس لـ قزم أبيض (White Dwarf) بتكون انفجرت على شكل مستعر Nova وبتبعثر مادتها بالفضاء بانفجار عظيم أخو إختو..
بهاي المرحلة -بالانفجار يعني- بتقدر شمس متوسطة الكتلة متل شمسنا إنها تكوّن عناصر تقيلة.. ما كان ممكن تكوّنها بالتفاعل الاندماجي.. الشمس بتبدا بتحويل الهيدروجين لـ هيليوم، بعدين هيليوم لـ كربون.. وبس.. نتيجة صغر كتلتها ما بتقدر تدمج شي أكتر من هيك..
هاي النقطة مهمّة لنعرف من وين إجت العناصر الثقيلة بالكون.. واللي منها الحديد اللي بدمّنا.. واللي لولاه ما كنا موجودين..

المهم.. نهاية الشمس بتكون بانفجار.. وفي كتير نجوم كانت قد شمسنا وانفجرت.. أشهر أمثلتها هو سديم عين القطة (متل هالصورة): http://bartblog.files.wordpress.com/...ry-nebulae.jpg
بعد الانفجار بتتقلص مادة الشمس الباقية (لإنو ما بقى فيه اندماج نووي يعاكس الانهيار الثقالي لمادة الشمس) وبتنضغط لدرجة هائلة.. بحيث بيصغر حجمها مليون مرة عن حجم الشمس قبل (يعني تقريباً بتصير كل المادة المتبقية بحجم الأرض)


هلق النجوم اللي كتلتها أكبر من كتلة الشمس.. بيكون انفجارها أكبر.. أخو إختو أكتر يعني.. وبتنتهي بأشكال مختلفة (وضّحتها الصورة فوق):
* النجوم اللي كتلتها أكبر من الشمس بين 1.5-3.2 مرة بتنتهي على شكل نجم نيتروني.. يعني بتنضغط المادة لدرجة حتى الذرات ما بتقدر تحافظ على شكلها.. فـ بتنهرس الإلكترونات بالبروتونات اللي بالنواة.. وبتتحوّل كل مادة النجم لـ نيترونات

* النجوم اللي كتلتها أكبر من هيك (أكبر من 3.2 مرة) هاي بتنتهي بانفجار أكبر وأكبر.. وبتتقلص المادة الباقية لحيّز لا نهائي الصغر.. وبتصير ثقالتو هائلة لدرجة إنو سرعة الهروب من سطحو بتساوي سرعة الضو.. يعني حتى الضو ما بيقدر يفلت منو.. وهاي هي اللي بيسمّوها ثقوب سوداء..

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
 
Page generated in 0.02735 seconds with 11 queries